"İNSAN ALVERİNƏ QARŞI MÜBARİZƏ ÜZRƏ MİLLİ POTENSİALLARIN ARTIRILMASI" LAYİHƏSİ BAŞA ÇATIB

 

2019-06-19

Beynəlxalq Miqrasiya Təşkilatı və Ədliyyə Akademiyasının birgə təşkilatçılığı ilə "İnsan alverinə qarşı mübarizə üzrə milli potensialların artırılması" layihəsinin bağlanış mərasimi keçirilib.
Tədbirdə BMqT-nin Azərbaycandakı Nümayəndəliyinin rəhbəri Vladimir Gjorgjiev, BMT-nin Rezident Əlaqələndiricisi Qulam Isakzai, Avropa İttifaqının Azərbaycandakı Nümayəndəliyinin rəhbəri Kestutis Jankauskas, Daxili İşlər Nazirliyi İnsan Alverinə qarşı Mübarizə Baş İdarəsinin rəisi Heydər Heydərov, Xarici İşlər Nazirliyi Humanitar və Sosial məsələlər idarəsinin rəhbəri Əlimirzamin Əskərov, Dövlət Miqrasiya Xidmətinin rəis müavini Pərviz Musayev və Ədliyyə Akademiyasının rektor vəzifəsini icra edən Elçin Xələfov giriş nitqi ilə çıxış edib, layihənin icrası dövründə keçirilmiş təlimlərdən, təşkil olunmuş tədris səfərlərindən, çap olunmuş kurikulum və dərs vəsaitindən və digər görülmüş işlər barədə məlumat verib, layihənin uğurlu gedişatından bəhs ediblər.
Daha sonra BMqT-nin Azərbaycandakı Nümayəndəliyində layihə rəhbəri Marija Nikolovska layihə çərçivəsində görülmüş işlər barədə təqdimatla çıxış edib.
Tədbirdə hakimlər, Ədliyyə Nazirliyinin, Daxili İşlər Nazirliyinin, Dövlət Miqrasiya Xidmətinin, Ədliyyə Akademiyasının əməkdaşları, Vəkillər Kollegiyasının üzvü və digər dövlət qurumlarının nümayəndələri iştirak ediblər.
2016-cı ilin noyabr ayından etibarən Avropa İttifaqı və BMqT-nin İnkişaf Agentliyi tərəfindən birgə maliyyələşən "Azərbaycanda insan alverinə qarşı mübarizə üzrə milli potensialların artırılması" layihəsinin məqsədi insan alverinə qarşı effektiv mübarizə aparmaq və insan alveri qurbanlarını müdafiə etmək sahəsində bilik və bacarıqların artırılmasından ibarət olub.

Yekunda BMqT-nin Azərbaycandakı Nümayəndəliyinin rəhbəri V.Gjorgjiev layihə çərçivəsində uğurlu əməkdaşlığa görə Təşkilatın tərəfdaşlarına təşəkkürnamələr təqdim edib. 

ƏQLİ MÜLKİYYƏT HÜQUQLARININ TƏMİNATINDA MƏHKƏMƏ-HÜQUQ SİSTEMİNİN ROLUNA DAİR KONFRANS-TƏLİM KEÇİRİLİB

 

2019-06-14

İyunun 14-də Azərbaycan Respublikasının Əqli Mülkiyyət Agentliyinin təşkilatçılığı və Ədliyyə Nazirliyinin Ədliyyə Akademiyasının dəstəyi ilə “Məhkəmə islahatları: məhkəmə-hüquq sisteminin əqli mülkiyyət hüquqlarının təminatında rolu” mövzusunda konfrans-təlim keçirilib.

AZƏRTAC xəbər verir ki, tədbiri açan Agentliyin İdarə Heyətinin sədri Kamran İmanov sabah iyunun 15-nin Milli Qurtuluş Günü - Ulu Öndərin hakimiyyətə qayıdışı günü olduğunu qeyd edib, Azərbaycanın bugünkü həyatının və reallıqlarının həmin Qurtuluşa arxalandığını, Ümummilli Liderimizin istər müstəqil Azərbaycanın əqli mülkiyyət sisteminin yaradıcısı, istərsə də müasir məhkəmə-hüquq sistemimizin banisi olduğunu bildirib. Qeyd edib ki, ümummilli lider Heydər Əliyevin böyüklüyünü, bütün sahələrə aid gördüyü işləri olduğu kimi tam şəkildə şərh etməkdə biz – onun müasirləri acizik və yalnız illər, qərinələr ötəndən sonra bu tarixi şəxsiyyətin vətəni, xalqı qarşısındakı xidmətlərinin əsl qiymətini zaman özü verəcək. 

 

Hüquq klinikası

  • Fəaliyyəti
  • Əməkdaşlar

Ədliyyə Akademiyasının Hüqüq klinikasında ali  təhsilli hüquqşünaslar, vəkillər və Ədliyyə Akademiyasının müəlllimlərinin nəzarəti altında əhalinin aztəminatlı vətəndaşlarına: təqaüdçülərə, əlillərə, qaçqın və məcburi köçkünlərə, təhsil alan gənclərə məsləhət formasında pulsuz hüquqi yardım göstərilir. Ali  təhsilli hüquqşünaslar, vəkillər və Ədliyyə Akademiyasının müəlllimləri Sizə hüquqi xarakterli sənədləri lazımi qaydada tərtib etməyi, dövlət orqanlarında və başqa təşkilatlarda maraqlarınızın müdafiəsi üçün atacağınız addımların ardıcıllığını izah edəcəklər.
Əgər siz Klinikaya müraciət etməyi qərara almısınızsa, zəng edərək işin mahiyyəti barədə qısa məlumat verin, məsləhət üçün Klinikaya gələcəyiniz gün və vaxt barədə Klinikamızın əməkdaşı ilə razılaşın.
Siz həftənin iş günləri saat 09:30-dan 16:00-dək Klinikaya müraciət edə bilərsiniz.
Ünvan: AZ 1000, Bakı şəhəri, Vidadi küçəsi 158, Tel,Faks:(012)598-28-52
E-mail: academylawclinic@gmail.com

Məqsəd 
Təcrübəli mütəxəssislər tərəfindən əhalinin aztəminatlı təbəqələrinə pulsuz hüquqi məsləhətlərin verilməsini, o cümlədən mülki prosesdə onların maraqlarının təmin edilməsini təşkil etmək.

Kliniki fəaliyyətin strukturu 
1.Maarifləndirmə fəaliyyəti
2.Hüquqi məsləhətlərin verilməsi, mülki proseslərdə sifarişçilərin maraqlarını təmsil edilməsi üzrə fəaliyyət
Bu hüququn mülki prosessual hüquq və insan hüquqları üzrə həyata keçirilməsi nəzərdə tutulur.
Maarifləndirmə fəaliyyəti daxilində praktik vərdişlərin öyrədilməsi ali təhsilli  hüquqşünası, və vəkilləri və Ədliyyə Akademiyasının müəlllimlərini təcrübədə konkret problemli vəziyyətlərlə tanış etməyi nəzərdə tutur.

Hüquqi məsləhətlərin verilməsi fəaliyyəti
Bu fəaliyyətin vacibliyi onda ifadə olunur ki, tələbələr konkret həyati hadisələr üzərində işləyərkən onların baxılmasında kənardan müşahidəçi qismində iştirak etmirlər, onlar bu və ya digər hərəkəti etməyə, yəni müştərilərə məsləhət vermək yolu ilə konkret hüquqi yardım göstərməyə məcburdurlar.

Qeyd etmək lazımdır ki, hüquqi məsləhət vermə vəzifəsinin məsuliyyətini və müştərinin məhkəmədə təmsil olunmasını nəzərə alaraq,bu fəaliyyəti həyata keçirərkən tələbələr təcrübəli mütəxəssisin nəzarəti altında olur.