"İNSAN ALVERİNƏ QARŞI MÜBARİZƏ ÜZRƏ MİLLİ POTENSİALLARIN ARTIRILMASI" LAYİHƏSİ BAŞA ÇATIB

 

2019-06-19

Beynəlxalq Miqrasiya Təşkilatı və Ədliyyə Akademiyasının birgə təşkilatçılığı ilə "İnsan alverinə qarşı mübarizə üzrə milli potensialların artırılması" layihəsinin bağlanış mərasimi keçirilib.
Tədbirdə BMqT-nin Azərbaycandakı Nümayəndəliyinin rəhbəri Vladimir Gjorgjiev, BMT-nin Rezident Əlaqələndiricisi Qulam Isakzai, Avropa İttifaqının Azərbaycandakı Nümayəndəliyinin rəhbəri Kestutis Jankauskas, Daxili İşlər Nazirliyi İnsan Alverinə qarşı Mübarizə Baş İdarəsinin rəisi Heydər Heydərov, Xarici İşlər Nazirliyi Humanitar və Sosial məsələlər idarəsinin rəhbəri Əlimirzamin Əskərov, Dövlət Miqrasiya Xidmətinin rəis müavini Pərviz Musayev və Ədliyyə Akademiyasının rektor vəzifəsini icra edən Elçin Xələfov giriş nitqi ilə çıxış edib, layihənin icrası dövründə keçirilmiş təlimlərdən, təşkil olunmuş tədris səfərlərindən, çap olunmuş kurikulum və dərs vəsaitindən və digər görülmüş işlər barədə məlumat verib, layihənin uğurlu gedişatından bəhs ediblər.
Daha sonra BMqT-nin Azərbaycandakı Nümayəndəliyində layihə rəhbəri Marija Nikolovska layihə çərçivəsində görülmüş işlər barədə təqdimatla çıxış edib.
Tədbirdə hakimlər, Ədliyyə Nazirliyinin, Daxili İşlər Nazirliyinin, Dövlət Miqrasiya Xidmətinin, Ədliyyə Akademiyasının əməkdaşları, Vəkillər Kollegiyasının üzvü və digər dövlət qurumlarının nümayəndələri iştirak ediblər.
2016-cı ilin noyabr ayından etibarən Avropa İttifaqı və BMqT-nin İnkişaf Agentliyi tərəfindən birgə maliyyələşən "Azərbaycanda insan alverinə qarşı mübarizə üzrə milli potensialların artırılması" layihəsinin məqsədi insan alverinə qarşı effektiv mübarizə aparmaq və insan alveri qurbanlarını müdafiə etmək sahəsində bilik və bacarıqların artırılmasından ibarət olub.

Yekunda BMqT-nin Azərbaycandakı Nümayəndəliyinin rəhbəri V.Gjorgjiev layihə çərçivəsində uğurlu əməkdaşlığa görə Təşkilatın tərəfdaşlarına təşəkkürnamələr təqdim edib. 

ƏQLİ MÜLKİYYƏT HÜQUQLARININ TƏMİNATINDA MƏHKƏMƏ-HÜQUQ SİSTEMİNİN ROLUNA DAİR KONFRANS-TƏLİM KEÇİRİLİB

 

2019-06-14

İyunun 14-də Azərbaycan Respublikasının Əqli Mülkiyyət Agentliyinin təşkilatçılığı və Ədliyyə Nazirliyinin Ədliyyə Akademiyasının dəstəyi ilə “Məhkəmə islahatları: məhkəmə-hüquq sisteminin əqli mülkiyyət hüquqlarının təminatında rolu” mövzusunda konfrans-təlim keçirilib.

AZƏRTAC xəbər verir ki, tədbiri açan Agentliyin İdarə Heyətinin sədri Kamran İmanov sabah iyunun 15-nin Milli Qurtuluş Günü - Ulu Öndərin hakimiyyətə qayıdışı günü olduğunu qeyd edib, Azərbaycanın bugünkü həyatının və reallıqlarının həmin Qurtuluşa arxalandığını, Ümummilli Liderimizin istər müstəqil Azərbaycanın əqli mülkiyyət sisteminin yaradıcısı, istərsə də müasir məhkəmə-hüquq sistemimizin banisi olduğunu bildirib. Qeyd edib ki, ümummilli lider Heydər Əliyevin böyüklüyünü, bütün sahələrə aid gördüyü işləri olduğu kimi tam şəkildə şərh etməkdə biz – onun müasirləri acizik və yalnız illər, qərinələr ötəndən sonra bu tarixi şəxsiyyətin vətəni, xalqı qarşısındakı xidmətlərinin əsl qiymətini zaman özü verəcək. 

 

Xəbərlər

ƏDLİYYƏ AKADEMİYASI İLƏ MOLDOVA MİLLİ ƏDLİYYƏ İNSTİTUTU ARASINDA ƏMƏKDAŞLIQ HAQQINDA MEMORANDUM İMZALANIB

2019-04-04

2019-ci ilin 3-4 aprel tarixlərində Bakıda keçirilən beynəlxalq seminar çərçivəsində ölkəmizdə səfərdə olan Moldova Milli Ədliyyə İnstitutunun direktoru xanım Diana Skobioala və İnstitutun Beynəlxalq əlaqələr bölməsinin rəhbəri xanım Valentina Kontesku Ədliyyə Nazirliyinin Ədliyyə Akademiyasında olublar.

Səfər proqramına əsasən Ədliyyə Akademiyasında “Moldova Milli Ədliyyə İnstitutu ilə Ədliyyə Akademiyası arasında əməkdaşlıq” haqqında Memorandum imzalanmışdır. Memorandum, hakimlər və prokurorlar, hakim və prokuror vəzifələrinə namizədlər və ədliyyə sektorunda işləyən digər kateqoriya şəxslər üçün yüksək keyfiyyətli tədrisin təşviqi, tərəflərin ən yüksək standartlara uyğun olaraq məhkəmə tədrisinin təmin edilməsi üzrə potensialın artırılması məqsədlərinə əsaslanıb. 

Səfər çərçivəsində nümayəndə heyəti Ədliyyə Akademiyasının və Heydər Əliyev Mərkəzinin fəliyyəti ilə tanış olub, həmçinin beynəlxalq seminar çərçivəsində Moldova Milli Ədliyyə İnstitutunun direktoru xanım Diana Skobioalanın “İnsan alverinə qarşı mübarizə sahəsində hakimlərin və prokurorların təlimləndirilməsi” mövzusunda təqdimatı olub.

Bundan başqa, nümayəndə heyəti ilə Ədliyyə Nazirliyində görüş keçirilib, qonaqlar Ədliyyə tarixi muzeyi ilə tanış olublar.