ƏDLİYYƏ AKADEMİYASINDA MƏHKƏMƏ-HÜQUQ SİSTEMİNDƏKİ İSLAHATLARLA BAĞLI MÜZAKİRƏLƏR APARILIB

 

2019-07-26

İyulun 26-da Azərbaycan Respublikası Ədliyyə Nazirliyinin Ədliyyə Akademiyası elm müəssisələrinin nümayəndələri ilə Prezident İlham Əliyevin “Məhkəmə-hüquq sistemində islahatların dərinləşdirilməsi haqqında” Fərmanından irəli gələn məsələlərlə bağlı ictimai müzakirə təşkil edib.

AZƏRTAC xəbər verir ki, Ədliyyə Akademiyasının rektor əvəzi Elçin Xələfov bildirib ki, Fərmanla bağlı ictimai müzakirələrə həsr olunmuş tədbirlər paytaxt Bakı ilə yanaşı, ölkənin müxtəlif regionlarında keçirilib. O qeyd edib ki, Prezident İlham Əliyevin rəhbərliyi ilə ədalət mühakiməsinin səmərəliliyinin artırılması, məhkəmələrə müraciət imkanlarının və əlçatanlığın genişləndirilməsi məqsədilə mühüm qərarlar qəbul olunur, ardıcıl tədbirlər görülür. Prezident tərəfindən imzalanmış müvafiq Fərman ölkə əhalisinin sosial rifahının yaxşılaşdırılması və məhkəmə-hüquq orqanlarının şəffaflaşdırılması ilə bağlıdır. Dövlət başçısı tərəfindən aparılan iqtisadi və hüquqi islahatlar ölkəmizin inkişafına xidmət edir. 2019-cu il 3 aprel tarixli Fərman dövlətimizin başçısının məhkəmə hakimiyyətinə verdiyi müstəsna əhəmiyyətin növbəti təzahürü olmaqla, həyata keçirilən məhkəmə-hüquq islahatlarının mühüm tərkib hissəsidir.

 

 

Xəbərlər

"YUVENAL PROBASİYA" MÖVZUSUNDA TƏLİM

2019-06-21

Ədliyyə Akademiyası tərəfindən ədliyyə işçilərinin bilik və bacarıqlarının artırılması məqsədilə mütəmadi seminarlar, ixtisasartırma kursları və digər tədbirlər keçirilir, bu sahədə digər dövlət qurumları və beynəlxalq təşkilatlarla səmərəli əməkdaşlıq edilir.
BMT-nin Uşaq Fondunun (UNİCEF) Azərbaycandakı Nümayəndəliyinin, Ədliyyə Nazirliyi Probasiya Xidmətinin və Ədliyyə Akademiyasının birgə təşkilatçılığı ilə Probasiya xidmətinin əməkdaşları üçün “Yuvenal Probasiya” mövzusunda iki günlük təlim keçirilib.
Tədbiri giriş sözü ilə Ədliyyə Akademiyasının rektor əvəzi Elçin Xələfov, Probasiya xidmətinin rəis müavini Musa Hümbətov və UNICEF-in Azərbaycandakı nümayəndəliyinin Uşaq müdafiəsi proqramının rəhbəri Vüqar Salmanov açaraq, ölkəmizdə yuvenal ədliyyənin inkişafı üzrə görülən işlərdən, Probasiya institutunun azadlıqdan məhrumetməyə alternativ cəzaların icrasında rolundan bəhs edib, bu sahədə işin səmərəli təşkili, icra və probasiya məmurlarının peşəkarlıqlarının artırılması baxımından təlimin əhəmiyyətindən danışıblar.
Təlimdə “Yuvenal ədliyyə sistemi. Azərbaycanda təcrübə və görülmüş işlər barədə məlumat”,“Probasiya xidmətinin anlayışı, yaranma tarixi, probasiya xidmətində sosial işin təşkili, yetkinlik yaşına çatmayanların fərdi xüsusiyyətlərinin xarakteristikası” kimi mövzular barədə təqdimatlar dinləyicilərin diqqətinə çatdırılıb. 

Proqrama əsasən təlimlər interaktiv şəkildə həyata keçirilərək, mövzu ətrafında müzakirələr, müxtəlif qrup işləri aparılıb.