AVROPA İTTİFAQI-AZƏRBAYCAN ƏDLİYYƏ, AZADLIQ VƏ TƏHLÜKƏSİZLİK, İNSAN HÜQUQLARI VƏ DEMOKRATİYA MƏSƏLƏLƏRİ ÜZRƏ ALT KOMİTƏSİNİN İCLASI KEÇİRİLİB

 

2021-04-28

Bakı, 27 aprel, AZƏRTACAprelin 26-27-də Bakıda Avropa İttifaqı (Aİ) - Azərbaycan Ədliyyə, azadlıq və təhlükəsizlik, insan hüquqları və demokratiya məsələləri üzrə Alt Komitəsinin 9-cu iclası keçirilib. Xarici İşlər Nazirliyinin Mətbuat xidməti idarəsindən AZƏRTAC -a bildiriblər ki, iclasa Azərbaycan tərəfindən xarici işlər nazirinin müavini Mahmud Məmməd-Quliyev, Aİ tərəfindən isə Avropa Xarici Fəaliyyət Xidmətinin “Şərq tərəfdaşlığı” ölkələri ilə ikitərəfli münasibətlər şöbəsinin müdiri Riçard Tibbels həmsədrlik ediblər.

 

PREZİDENT İLHAM ƏLİYEVİN RƏHBƏRLİYİ İLƏ APARILAN MÜTƏRƏQQİ İSLAHATLAR MƏHKƏMƏ-HÜQUQ SİSTEMİNİ RƏQƏMSAL ÇAĞIRIŞLARA UYĞUN TƏKMİLLƏŞDİRİR

 

2021-04-28

 Bakı, 28 aprel, AZƏRTACBu günlərdə hüquq sisteminin rəqəmsal texnologiyalar əsasında inkişafına, bu sahədə müasir çağırışlara həsr olunmuş “Daşkənd Hüquq Baharı” Beynəlxalq Forumu keçirilib. Forumun mövzusunun aktual və əhəmiyyətli olduğunu nəzərə alaraq AZƏRTAC tədbirdə Azərbaycanı təmsil etmiş ədliyyə naziri Fikrət Məmmədovdan müsahibə alıb. Müsahibəni təqdim edirik. – Hörmətli Fikrət müəllim, məlumat verdiyimiz kimi, bu yaxınlarda keçirilmiş “Daşkənd Hüquq Baharı” Beynəlxalq Forumu Dördüncü Sənaye İnqilabı dövründə hüquqa baxış mövzusuna həsr olunub.

 

Xəbərlər

AZƏRBAYCAN RESPUBLİKASI PREZİDENTİNİN SEÇKİLƏRİNİN PENİTENSİAR MÜƏSSİSƏLƏRDƏ TƏŞKİLİ İLƏ BAĞLI TƏDBİR KEÇİRİLMİŞDİR

2013-09-17

Sentyabrın 17-də "Azərbaycan Respublikası Prezidentinin seçkilərinin penitensiar müəssisələrdə təşkili məsələləri" mövzusunda Ədliyyə Nazirliyinin Ədliyyə Akademiyası və Mərkəzi Seçki Komissiyasının birgə seminar-müşavirəsi keçirilmişdir.

Penitensiar müəssisələrin rəhbərləri üçün nəzərdə tutulan tədbirdə ədliyyə nazirinin müavini Azər Cəfərov, MSK-nın sədr müavini Natiq Məmmədov, Penitensiar xidmətin və Ədliyyə Akademiyasının məsul əməkdaşları və KİV nümayəndələri iştirak etmişlər.

Tədbirdə çıxış edən nazir müavini ötən illər respublikamızda seçki sisteminin təkmilləşdirilməsi prosesinin uğurla həyata keçirildiyindən, Seçki Məcəlləsinin beynəlxalq standartlara uyğunlaşdırılmasından və onun vətəndaşlarımızın azad seçim edə bilməsinə təminat verməsindən danışmışdır. Qarşıdan gələn prezident seçkilərinin tam şəffaf və demokratik şəraitdə təşkil edilməsi üçün lazımi tədbirlərin görüldüyünü, cəmiyyətin bütün təbəqələrinin səsvermədə azad iştirakını və sərbəst seçimini təmin edəcək demokratik seçki mühitinin yaradılmasını vurğulamışdır. Seminarda penitensiar müəssisələrdə seçicilərin azad iştirakının təmin olunmasına, səsvermə günündə müşahidəçilərin və KİV nümayəndələrinin seçkini izləmək üçün cəzaçəkmə yerlərinə daxil olmalarına, seçki prosesinə müdaxilələrin qarşısının alınmasına və maarifləndirmə işlərinin aparılmasına yönəlmiş kompleks tədbirlərin görüldüyü diqqətə çatdırılmışdır.

Tədbirdə çıxış edən MSK-nın sədr müavini ölkəmizdə seçkilərin nəinki beynəlxalq standartlara cavab verdiyini, eyni zamanda bu sahədə qabaqcıl təcrübənin formalaşdırdığını bildirmiş, seçkilərin təşkilində Ədliyyə Nazirliyi  ilə qarşılıqlı fəaliyyəti qeyd edərək, penitensiar sistemdə bu işin lazımi səviyyədə həyata keçirildiyini vurğulamışdır.

Seminarda Azərbaycan Respublikasının seçki qanunvericiliyi və vətəndaşların seçki hüququnun təminatı, penitensiar müəssisələrdə seçkilərin təşkili və keçirilməsinə dair məsələlər üzrə məruzələr dinlənilmiş, tədbir iştirakçılarının sualları ətraflı cavablandırılmışdır.

Sonda seminar iştirakçılarına seçki hüquqları ilə bağlı nəşrlər təqdim olunmuşdur.