Xəbərlər

ƏDLİYYƏ AKADEMİYASI VƏ ƏQLİ MÜLKİYYƏT AGENTLİYİNİN BİRGƏ TƏŞKİLATÇILIĞI İLƏ “ƏQLİ MÜLKİYYƏT HÜQUQLARININ MÜDAFİƏSİNİN TƏMİNATI: İXTİSASLAŞMIŞ MƏHKƏMƏLƏRİN MİLLİ VƏ BEYNƏLXALQ TƏCRÜBƏSİ” MÖVZUSUNDA SEMİNAR KEÇİRİLMİŞDİR

2019-12-06

Cari il 5-6 dekabr tarixlərində Ədliyyə Akademiyası, Azərbaycan Respublikasının Əqli Mülkiyyət Agentliyi və Ümumdünya Əqli Mülkiyyət Təşkilatının (ÜƏMT) birgə təşkilatçılığı ilə “Əqli mülkiyyət hüquqlarının müdafiəsinin təminatı: ixtisaslaşmış məhkəmələrin milli və beynəlxalq təcrübəsi” mövzusunda seminar keçirilmişdir.

Seminarda ÜƏMT-nin Hüquq İnstitutunun nümayəndəsi xanım Nahal Zebarcadi, Azərbaycan Respublikası Prezidentinin Administrasiyasının Qanunvericilik və hüquq siyasəti şöbəsinin müdiri Gündüz Kərimov, Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva, Azərbaycan Respublikasının Əqli Mülkiyyət Agentliyinin idarə heyətinin sədri Kamran İmanov, Bakı Dövlət Universitetinin rektoru Elçin Babayev və Ədliyyə Akademiyasının rektoru vəzifəsini icra edən Elçin Xələfov açılış nitqi ilə çıxış etmişdir.

 

AVROPA ŞURASI VƏ ƏDLİYYƏ AKADEMİYASININ BİRGƏ TƏŞKİLATÇILIĞI İLƏ KONFRANS KEÇİRİLİB

2019-12-04

Avropa Şurası və Ədliyyə Nazirliyinin təşkilatçılığı ilə “Azərbaycanda ədliyyə sisteminin təkmilləşdirilməsi və onun Avropa İnsan Hüquqları Məhkəməsinin presedent hüququna uyğunlaşdırılması” mövzusunda konfrans keçirilib.

Tədbirdə 60-dək birinci və apellyasiya instansiya məhkəməsinin hakimi və prokurorluq orqanlarının əməkdaşı  iştirak edib.

 

BƏLƏDİYYƏ ÜZVLƏRİ VƏ QULLUQÇULARI ÜÇÜN KURSLAR KEÇİRİLİB

2019-11-29

Bakı şəhəri ərazisində fəaliyyət göstərən bələdiyyə üzvləri və qulluqçularının hüquqi maarifləndirilməsi məqsədilə Ədliyyə Akademiyasında iki tədris kursu keçirilib.

Bakı şəhəri ərazisində fəaliyyət göstərən bələdiyyə üzvləri və qulluqçularının hüquqi maarifləndirilməsi məqsədilə təşkil edilən tədris kurslarında ümumilikdə 23 nəfər dinləyici qismində iştirak edib. Tədris kursunda “Çoxmənzilli binaların idarə edilməsi sahəsində bələdiyyələrin rolu”, “Yerli turizmin, eləcə də tibbi turizmin təşkilində bələdiyyələrin iştirakı”, Sahibkarlığın inkişafında və əhalinin məşğulluğunun təmin olunmasında bələdiyyələrin iştirakı”, “Vergi uçotunun qurulması, yerli vergi və ödənişlərin nəğdsiz ödəmə vasitəsilə həyata keçirilməsi”, “Beynəlxalq təcrübəyə əsasən insan hüquqlarının qorunmasında bələdiyyələrin rolu” kimi mühazirələr iştirakçıların diqqətinə çatdırılıb.

 

ƏDLİYYƏ İŞÇİLƏRİ ÜÇÜN TƏLİMLƏR KEÇİRİLİB

2019-11-27

Ədliyyə Akademiyasında Penitensiar Xidmətin əməkdaşları və icra məmurları üçün “Əmək və icra intizamının gücləndirilməsi məsələləri” mövzusunda iki təlim keçirilib.

50-dək ədliyyə işçisinin cəlb edildiyi təlimdə “Ədliyyə orqanları işçilərinin etik davranış Qaydalarının tələbləri və bu Qaydaların pozulmasına görə məsuliyyət”, “Ədliyyə orqanlarının işçilərinə tətbiq edilən intizam tənbehləri”, “Penitensiar Xidmətdə vətəndaşların qəbulu və onların müraciətlərinə baxılması qaydası”, “Korrupsiyaya qarşı mübarizə və ədliyyə işçisinin fəaliyyətində maraqların toqquşmasının qarşısının alınması” mövzuları üzrə mühazirələr dinləyicilərin diqqətinə çatdırlıb.

 

MƏHKƏMƏ APARATI İŞÇİLƏRİ ÜÇÜN TƏLİM KEÇİRİLİB

2019-11-18

Ədliyyə Akademiyasında Bakı Apellyasiya Məhkəməsinin yurisdiksiyasına aid olan məhkəmələrin aparat işçiləri üçün  təlim keçirilib.

Təlim zamanı “Avropa İnsan Hüquqları Konvensiyasının 6-cı maddəsi (ədalətli məhkəmə araşdırılması hüququ)”, “Korrupsiya əleyhinə mübarizə”, CEPEJ alətlərinə və metodologiyasına uyğun məhkəmə fəaliyyəti ilə bağlı hesabatların tərtibibarədə mövzular tədris olunub.