Xəbərlər

ƏDLİYYƏ AKADEMİYASINDA HAKİMLƏR ÜÇÜN TƏDRİS KURSLARI KEÇİRİLİR

2019-10-25

 

Ədliyyə Akademiyasında hakimlər üçün Məhkəmə qərarlarının tərtib edilməsinin xüsusiyyətlərimövzusunda ixtisasartırma kursu keçirilib.

 

 

31 hakimin iştirak etdiyi tədris kursunda Ali Məhkəmənin, Bakı və Şirvan Apellyasiya Məhkəmələrinin hakimləri tərəfindən həbs qətimkan tədbirinin seçilməsi barədə təqdimatlara baxılmasına və bu barədə məhkəmə qərarlarının  əsaslandırılmasına dair tələblər, ittiham hökmlərinin tərtibi, təyin edilmiş cəza növü və həddinin hökmdə əsaslandırılması zamanı nəzərə alınmalı olan tələblər, birinci  instansiya məhkəmələrində baxılmış mülki işlər üzrə məhkəmə aktlarının tərtibində yol verilən xarakterik nöqsanlar, inzibati işlər üzrə məhkəmə qərarlarının tərtibi xüsusiyyətləri kimi məsələlər ilə əlaqədar mövzular tədris edilib.

 

 

 

ƏDLİYYƏ AKADEMİYASINDA İCRA MƏMURLARI ÜÇÜN ARDICIL İXTİSASARTIRMA KURSLARI KEÇİRİLİR

2019-10-25

Ədliyyə Akademiyasında oktyabr ayı ərzində icra məmurları üçün “Elektron icra sistemindən istifadə qaydaları ” mövzusunda iki təlim keçirilib.

Ümumilikdə 21 nəfər icra məmurunun iştirak etdiyi kursda “Qiymətləndirmə və hərracın keçirilməsi”, “Borclunun ölkədən getmək hüququnun müvəqqəti məhdudlaşdırılması”, “Elektron icra sisteminin tətbiqi qaydaları” mövzuları üzrə mühazirələr dinləyicilərin diqqətinə çatdırılıb.

 

İCRA MƏMURLARI ÜÇÜN İXTİSASARTIRMA KURSLARI KEÇİRİLİR

2019-10-25

Ədliyyə Akademiyasında icra məmurları üçün davamlı ixtisasartırma kursları və təlimlər keçirilir.

Oktyabr ayında Ədliyyə Akademiyasında “Alimentin tutulması, uşaqla ünsiyyətdə olma və uşağın alınıb-verilməsi tələblərinə dair məhkəmə qərarlarının icrası işinin təkmilləşdirilməsi” mövzusunda ixtisasartırma kursu keçirilib.

15 icra məmurunun iştirak etdiyi təlimdə “Uşağın alınıb-verilməsi və uşaqla ünsiyyət tələbinə dair icra sənədlərinin icrası zamanı uşağın mənafeyinə zərər vurmadan icranın təmin ounması”, “Alimentin tutulması, uşaqla ünsiyyətdə olma və uşağın alınıb-verilməsi tələblərinə dair məhkəmə qərarlarının icrası zamanı icra məmurları tərəfindən yol verilən xarakterik nöqsanlar və onların aradan qaldırılması üzrə görülən tədbirlər”,“Alimentin tutulmasına dair icra sənədlərinin icrası qaydası”mövzuları üzrə mühazirələr dinləyicilərin diqqətinə çatdırılıb.

 

ƏDLİYYƏ NAZİRLİYİNDƏ NƏSİMİ YARADICILIĞINA HƏSR OLUNMUŞ ƏDƏBİ-BƏDİİ TƏDBİR KEÇİRİLİB

2019-10-17

Prezident İlham Əliyev tərəfindən 2019-cu il ölkəmizdə "Nəsimi ili" elan olunaraq böyük Azərbaycan şairi və mütəfəkkiri İmadəddin Nəsiminin anadan olmasının 650 illiyi geniş qeyd edilir. Bu münasibətlə Ədliyyə Nazirliyi tərəfindən Nəsiminin həyat və yaradıcılığına həsr olunan silsilə tədbirlər təşkil olunur, o cümlədən gənclərə mütaliəyə marağın artırılması məqsədilə "Kitab günü" keçirilib, nazirliyin Penitensiar xidmətinin cəzaçəkmə müəssisələrinin kitabxana fondları Nəsiminin və digər müxtəlif bədii, publisistik və elmi əsərlərdən ibarət 4 minə yaxın kitabla zənginləşdirilib, ədliyyə işçiləri "İmadəddin Nəsimi – 650" adlı geniş kitab sərgisi ilə tanış olublar.
Oktyabrın 17-də Ədliyyə Nazirliyinin təşkilatçılığı ilə Ədliyyə Akademiyasında Nəsiminin 650 illiyinə həsr olunmuş "Nəsimi yaradıcılığında humanizm" adlı ədəbi-bədii tədbir keçirilib.

 

AVROPA ŞURASI VƏ ƏDLİYYƏ AKADEMİYASININ BİRGƏ TƏŞKİLATÇILIĞI İLƏ TƏLİMLƏR KEÇİRİLİB

2019-10-07

2015-ci ildən Avropa Şurası və Ədliyyə Akademiyasının birgə təşkilatçılığı ilə Avropa Şurası və Avropa İttifaqı tərəfindən Şərq Tərəfdaşlığı ölkələrində həyata keçirilən “Proqramlar üzrə Əməkdaşlıq Çərçivəsi”ndə “Azərbaycanda məhkəmələrin səmərəliliyinin artırılmasına, hakimlərin təliminin təkmilləşdirilməsinə və məhkəmələrdə özünü-idarəetməyə dəstək” layihəsi həyata keçirilib.

Cari ilin mart ayından etibarən adıçəkilən layihənin icrası  “Yaxşı idarəçilik üçün tərəfdaşlıq” proqramı çərçivəsində davam etdirilib. Layihə çərçivəsində ilkin olaraq təlimçilər hazırlanıb, onların siyahısının yenilənib və hakimlər, hakimliyə namizədlər, məhkəmə aparatı işçiləri üçün silsilə təlimlər keçirilib. Layihənin əsas məqsədi CEPEJ alətlərinin milli səviyyədə tətbiq etməklə Azərbaycan məhkəmələrində səmərəliliyin və keyfiyyətin artırılmasına nail olmaq, CEPEJ indikatorları əsasında məhkəmələrin fəaliyyəti ilə bağlı hesabatların vahid metodologiyasının işlənib hazırlanmasıdır.