Xəbərlər

ƏDLİYYƏ AKADEMİYASINDA VƏKİLLƏR BEYNƏLXALQ TƏCRÜBƏNİ ÖYRƏNİRLƏR

2015-04-30

Ədliyyə Akademiyası tərəfindən xarici dövlətlərin ixtisaslaşmış tədris qurumları və hüquqşünasların peşəkar birlikləri ilə əlaqələrə mühüm önəm verilərək tədris prosesində beynəlxalq təcrübənin öyrənilməsinə, qabaqcıl təlim modellərinin tətbiqinə xüsusi diqqət yetirilir.

 

Bu günlərdə Ədliyyə Akademiyası və Vəkillər Kollegiyası tərəfindən ölkəmizdə səfərdə olan Avropa Vəkillər Kollegiyaları və Hüquq Cəmiyyətləri Birliyinin (CCBE) nümayəndələri ilə birgə "Vəkillərin etik davranış qaydaları" mövzusunda beynəlxalq seminar keçirilib. Seminarda vəkillərin etik davranış məsələləri ilə bağlı müxtəlif ölkələrin təcrübəsinə diqqət yetirilib, CCBE tərəfindən qəbul olunmuş "Avropada vəkil peşəsinə dair əsas prinsiplər haqqında Xartiya" və "Avropa vəkillərinin davranış Kodeksi"nə dair təqdimatlar dinlənilib, faydalı fikir və təcrübə mübadiləsi aparılıb.

 

 

 

 

ƏDLİYYƏ AKADEMİYASINDA “ASAN XİDMƏT” MƏRKƏZLƏRİ ƏMƏKDAŞLARI ÜÇÜN İXTİSASARTIRMA KURSU KEÇİRİLİB

2015-04-09

Respublikamızda ümumbəşəri sosial bəla olan korrupsiyanın qarşısının alınmasına xüsusi önəm verilərək, ölkə Prezidenti cənab İlham Əliyevin siyasi iradəsi ilə bu sahədə ciddi mübarizə aparılır, vətəndaş məmnunluğuna yönələn şəffaf və elektron xidmətlərin tətbiqi daha da genişləndirilir. Dövlət başçısının təşəbbüsü ilə yaradılmış və Azərbaycanın brendi sayılan, ədliyyə orqanlarının da müxtəlif mühüm xidmətlər göstərdiyi "ASAN xidmət" mərkəzlərinin uğurlu fəaliyyəti cəmiyyətimizdə, eləcə də beynəlxalq aləmdə təqdir olunur və bu təcrübə Azərbaycan modeli kimi böyük maraq doğurur.

 

 

HAKİMLƏRİN TƏDRİSİ DİQQƏT MƏRKƏZİNDƏDİR

2015-04-01

 

Ədalət mühakiməsinin səmərəliliyinin artırılması üzrə görülən tədbirlər çərçivəsində hakimlərin peşəkarlıq səviyyələrinin yüksəldilməsinə, o cümlədən məhkəmə fəaliyyətində müasir texniki vasitələrdən istifadəyə mühüm  əhəmiyyət verilir.  

 

Bununla əlaqədar Ədliyyə Akademiyası tərəfindən müasir İKT-lərlə təchiz edilmiş Bakı şəhəri Yasamal Rayon məhkəməsinin inzibati binasında hakimlər üçün "Məhkəmələrdə müasir informasiya-kommunikasiya texnologiyalarının tətbiqi məsələləri" mövzusunda təlim təşkil edilib.

 

 

 

 

ƏDLİYYƏ AKADEMİYASI VƏKİLLƏR ÜÇÜN TƏLİMLƏR KEÇİRİB

2015-03-17

Ədliyyə Akademiyası tərəfindən Avropa Şurası ilə birgə insan hüquqları ilə bağlı vəkillərin və hüquq müdafiəçilərinin bacarıqlarının artırılmasına dair birgə iki illik layihə həyata keçirilir.

 

Həmin layihə çərçivəsində Şəki şəhərində ayrı-seçkiliyin qadağan olunması baxımından İnsan Hüquqları üzrə Avropa Konvensiyasının ayrı-ayrı müddəalarına, xüsusilə mülkiyyətin müdafiəsi, şəxsi həyata və ailə həyatına hörmət hüquqlarının qorunmasına həsr olunmuş təlimlər keçirilib.

 

 

 

ƏDLİYYƏ NAZİRLİYİNİN ƏDLİYYƏ AKADEMİYASINDA HÜQUQŞÜNASLAR ÜÇÜN “AZƏRBAYCAN RESPUBLİKASINDA MÜQAVİLƏ HÜQUQUNUN PROBLEMLƏRİ” MÖVZUSUNDA SEMİNAR KEÇİRİLMİŞDİR

2015-03-04

 

Ədliyyə Akademiyasında 3-4 mart 2015-ci il tarixində “Azərbaycan Respublikasında müqavilə hüququnun problemləri” mövzusunda seminar keçirilmişdir.

 

Seminarın açılışını Ədliyyə Akademiyasının rektor vəzifəsini icra edən cənab Elçin Xələfov, Kil Universitetinin Şərqi Avropa hüququ İnstitunun Direktoru Aleksandr Trunk və Ədliyyə Akademiyası vəkillərin ixtisasartırma fakültəsinin dekan vəzifəsini müvəqqəti icra edən Anar  Bağırov çıxış etmişlər.