Xəbərlər

HAKİMLƏR ÜÇÜN İXTİSASARTIRMA KURSU KEÇİRİLMİŞDİR

2016-11-18

Cari ilin 18 noyabr tarixində Ədliyyə Akademiyasında “Korrupsiyaya qarşı mübarizədə milli və beynəlxalq mexanizmlər” mövzusunda I instansiya məhkəmələrinin 15 hakimi üçün ixtisasartırma kursu keçirilmişdir.

 

Kursda Baş prokuror yanında Korrupsiyaya qarşı mübarizə idarəsinin Daxili təhlükəsizlik xidmətinin rəisi Vüqar Quliyev, Baş Prokurorluğun Hüquqi təminat və informasiya  idarəsinin prokuroru Malik Səlimov, Azərbaycan Respublikası Maliyyə Bazarlarına Nəzarət Palatası Maliyyə Monitorinq Xidmətinin Hüquq sektorunun rəisiAzər Abbasov və Gəncə şəhəri Kəpəz Rayon Məhkəməsinin sədriVəli Abdullayevin mühazirələri dinlənilmişdir.

 

 

 

ƏDLİYYƏ AKADEMİYASINDA İXTİSASARTIRMA KURSU KEÇİRİLMİŞDİR

2016-11-17

Noyabrın 17-də  Ədliyyə Akademiyasında “Məhkəmələrdə idarəetmənin səmərəliliyinin artırılması” mövzusunda I instansiya məhkəmələrinin hakimlərinin iştirakı ilə ixtisasartırma kursu keçirilmişdir.

 

 

Kursda Bakı şəhəri Yasamal Rayon Məhkəməsinin hakimi, Avropa Şurası Ədalət Mühakiməsinin Səmərəliliyi üzrə Avropa Komissiyasının (CEPEJ) Vitse-Prezidenti Ramin Qurbanov, Bakı şəhəri Nərimanov Rayon Məhkəməsinin sədri Tofiq Paşayev və Sumqayıt Apellyasiya Məhkəməsinin aparat rəhbəri Yaqub Məmmədlinin mühazirələri dinlənilmişdir.

 

 

 

ƏDLİYYƏ AKADEMİYASINDA ASAN KÖNÜLLÜLƏRİ ÜÇÜN NÖVBƏTİ TƏLİM TƏŞKİL EDİLİB

2016-11-15

Ölkəmizdə könüllülük institutunun inkişafı üzrə məqsədyönlü addımlar atılır, dövlət başçısının təşəbbüsü ilə "Könüllü fəaliyyət haqqında" Qanunun, habelə könüllülərin həvəsləndirilməsi ilə bağlı mühüm qərarların qəbul olunması, ASAN Könüllülərinin I Ümumrespublika Forumunun açılışında cənab Prezidentin şəxsən iştirakı bu sahəyə dövlət qayğısının bariz təzahürü olub.

 

 

Bu gün gənc könüllülər ictimai həyatın bütün sahələrində, o cümlədən dövlət idarəçiliyində fəaliyyətə geniş cəlb olunurlar. Ölkə başçısı cənab İlham Əliyevin təşəbbüsü ilə yaradılaraq Azərbaycanın brendinə çevrilmiş "ASAN xidmət" mərkəzlərində çalışan gənclər və könüllülər yüksək vətəndaş məmnunluğunu təmin etməklə bürokratik əngəllərə və korrupsiyaya qarşı mübarizəyə böyük töhfələr verirlər.

 

 

 

 

 

 

AZƏRBAYCAN NÜMAYƏNDƏ HEYƏTİ MOSKVA ŞƏHƏRİNDƏ BEYNƏLXALQ KONFRANSDA İŞTİRAK EDİB

2016-11-12

Cari il noyabrın 10-12-də Rusiya Federasiyası Ali Məhkəməsinin və Rusiya Dövlət Ədalət Mühakiməsi Universitetinin təşkilatçılığı ilə Moskva şəhərində bu ölkənin Cinayət-Prosessual Məcəlləsinin 15 illiyinə həsr olunmuş "XXI əsrdə cinayət prosesi hüququnun inkişaf strategiyası" mövzusunda V Beynəlxalq Elmi Praktiki konfrans keçirilib.

 

 

Rusiya Ali Məhkəməsinin dəvətinə əsasən tədbirdə ədliyyə nazirinin müavini, hüquq elmləri doktoru Azər Cəfərov iştirak edib.

 

 

 

 

 

HAKİMLƏRİN TƏDRİSİ VƏ İXTİSASININ ARTIRILMASI DİQQƏT MƏRKƏZİNDƏDİR

2016-11-11

Noyabrın 11-də  Ədliyyə Akademiyasında hakimlər üçün keçirilmiş növbəti tədris kursu isə "Mülki işlər üzrə məhkəmə baxışının xüsusiyyətləri" mövzusuna həsr olunub.

 

 

Birinci instansiya məhkəmələrindən 16 hakimin iştirak etdiyi kursda Bakı Apellyasiya Məhkəməsinin hakimləri Elnur Həsənovun, İlham Əsədovun, İkram Şirinovun, Gəncə şəhəri Kəpəz Rayon Məhkəməsinin sədri  Vəli Abdullayevin mühazirələri dinlənilib.