Xəbərlər

BEYNƏLXALQ MİQRASİYA TƏŞKİLATI VƏ ƏDLİYYƏ AKADEMİYASININ BİRGƏ TƏŞKİLATÇILIĞI İLƏ HAKİMLƏR ÜÇÜN TƏLİMLƏR KEÇİRİLİR

2019-01-24

Ədliyyə Akademiyası və Beynəlxlaq Miqrasiya Təşkilatının birfə təşkilatçılığı ilə hakimlər üçün davamlı təlimlər keçirilir. Cari ilin 16-18 yanvar  tarixlərində “Cinayət təqibini həyata keçirən orqanlar üçün insan alverinə qarşı mübarizə” mövzusunda  üç günlük kaskad təlim təşkil olunub.

Hakimlər, vəkillər, prokurorluq orqanları və Daxili İşlər Nazirliyinin əməkdaşlarının iştirak etdiyi təlimdə Şirvan Apellyasiya və Bakı Ağır Cinayətlər Məhkəməsinin hakimlərinin, Daxili İşlər Nazirliyinin İnsan Alverinə qarşı Mübarizə Baş İdarəsinin əməkdaşı və Vəkillər Kollegiyasının üzvünün təqdimatları dinlənilib.

 

BEYNƏLXALQ QIZIL XAÇ KOMİTƏSİ VƏ ƏDLİYYƏ AKADEMİYASININ HAKİMLƏR VƏ PROKURORLAR ÜÇÜN BİRGƏ TƏLİMİ KEÇİRİLİB

2019-01-23

22-23 yanvar tarixlərində Ədliyyə Akademiyasında Beynəlxalq Qızıl Xaç Komitəsi və Ədliyyə Akademiyasının birgə təşkilatçılığı ilə “Beynəlxalq humanitar hüquq pozuntularının cinayət hüququ çərçivəsində təqibi: milli, regional və beynəlxalq perspektivlər” mövzusunda hakimlər və prokurorlar üçün təlim keçirilib.

Hakimlərin, prokurorluq orqanlarının və Akademiyanın əməkdaşlarının iştirak etdiyi təlimdə Beynəlxalq Qızıl Xaç Komitəsinin Azərbaycandakı Nümayəndəliyinin başçısı Elena A. Sessera və Ədliyyə Akademiyasının rektoru vəzifəsini icra edən Elçin Xələfov açılış nitqi ilə çıxış edib

 

ƏDLİYYƏ AKADEMİYASINDA 20 YANVAR FACİƏSİNİN 29-CU İLDÖNÜMÜ İLƏ BAĞLI TƏDBİR KEÇİRİLİB

2019-01-20

Xalqımızın milli qəhrəmanlıq salnaməsinə çevrilmiş 1990-cı il 20 Yanvar faciəsindən 29 il ötür.

Bu hadisələrin ildönümü ilə əlaqədar Ədliyyə Akademiyasında keçirilmiş anma mərasimində faciə qurbanlarının xatirəsi bir dəqiqəlik sükutla yad edilib, Akademiyanın rektoru vəzifəsini icra edən baş ədliyyə müşaviri Elçin Xələfov ölkəmizin müstəqilliyi uğrunda keçdiyi tarixi yolu bir daha nəzərdən keçirərək, həmin ağır günlərdə  xalqımıza qarşı insanlıq əleyhinə cinayətlərin törədilməsini cəsarətlə bəyan edən ümummilli lider Heydər Əliyev tərəfindən bu qanlı hadisələrə ilk dəfə hərtərəfli və obyektiv siyasi-hüquqi qiymət verildiyini, şəhid olanların xatirəsinin əbədiləşdirilməsi məqsədilə mühüm tədbirlər həyata keçirildiyini, şəhid ailələri və əlillərin dövlət qayğısı ilə əhatə olunduğunu diqqətə çatdırıb. 

 

ƏDLİYYƏ AKADEMİYASI VƏ PENİTENSİAR XİDMƏTİN TƏLİM MƏRKƏZİNİN BİRGƏ TƏŞKİLATÇILIĞI İLƏ İCRA MƏMURLARI ÜÇÜN TƏLİM KEÇİRİLİB

2018-12-29

Penitensiar xidmətin təlim mərkəzində 6, 13 və 29 dekabr tarixlərində “İcra məmurları üçün psixoloji dayanıqlıq və özünümüdafiə texnikasının əsasları” mövzusunda icra məmurları üçün təlim keçirilib.

 

 

ƏDLİYYƏ İŞÇİLƏRİ ÜÇÜN ARDICIL İXTİSASARTIRMA KURSLARI KEÇİRİLİR

2018-12-26

 5, 10, 15 və 26 dekabr tarixlərində ədliyyə işçiləri üçün ardıcıl “Ünsiyyət psixologiyası və etik davranış qaydaları “ mövzusunda təlimlər keçirilib.

 

Təlimlər penitensiar xidmətin əməkdaşları, tibb xidmətinin əməkdaşları və notariat kontorunun əməkdaşlarının iştirakı ilə həyata keçirilib.