ƏDLİYYƏ AKADEMİYASINDA MƏHKƏMƏ-HÜQUQ SİSTEMİNDƏKİ İSLAHATLARLA BAĞLI MÜZAKİRƏLƏR APARILIB

 

2019-07-26

İyulun 26-da Azərbaycan Respublikası Ədliyyə Nazirliyinin Ədliyyə Akademiyası elm müəssisələrinin nümayəndələri ilə Prezident İlham Əliyevin “Məhkəmə-hüquq sistemində islahatların dərinləşdirilməsi haqqında” Fərmanından irəli gələn məsələlərlə bağlı ictimai müzakirə təşkil edib.

AZƏRTAC xəbər verir ki, Ədliyyə Akademiyasının rektor əvəzi Elçin Xələfov bildirib ki, Fərmanla bağlı ictimai müzakirələrə həsr olunmuş tədbirlər paytaxt Bakı ilə yanaşı, ölkənin müxtəlif regionlarında keçirilib. O qeyd edib ki, Prezident İlham Əliyevin rəhbərliyi ilə ədalət mühakiməsinin səmərəliliyinin artırılması, məhkəmələrə müraciət imkanlarının və əlçatanlığın genişləndirilməsi məqsədilə mühüm qərarlar qəbul olunur, ardıcıl tədbirlər görülür. Prezident tərəfindən imzalanmış müvafiq Fərman ölkə əhalisinin sosial rifahının yaxşılaşdırılması və məhkəmə-hüquq orqanlarının şəffaflaşdırılması ilə bağlıdır. Dövlət başçısı tərəfindən aparılan iqtisadi və hüquqi islahatlar ölkəmizin inkişafına xidmət edir. 2019-cu il 3 aprel tarixli Fərman dövlətimizin başçısının məhkəmə hakimiyyətinə verdiyi müstəsna əhəmiyyətin növbəti təzahürü olmaqla, həyata keçirilən məhkəmə-hüquq islahatlarının mühüm tərkib hissəsidir.

 

 

Xəbərlər

ƏDLIYYƏ AKADEMIYASINDA ÜMUMMILLI LIDER HEYDƏR ƏLIYEVIN DOĞUM GÜNÜ MÜNASIBƏTILƏ TƏDBIR KEÇIRILIB

2019-05-08

Müasir Azərbaycan dövlətinin banisi, xalqımızın ümummilli lideri Heydər Əliyevin anadan olmasının 96-cı ildönümü münasibətilə Ədliyyə Nazirliyinin Ədliyyə Akademiyasında tədbir keçirilib.

Akademiyada keçirilən tədbirdə ölkəmizin görkəmli dövlət xadimi, dahi şəxsiyyət Heydər Əliyevin ömrünün və titanik fəaliyyətinin indiki və gələcək nəsillərə nümunə olduğunu bildirilib, Azərbaycanda müstəqil, demokratik, hüquqi dövlətin müasir tarixini yaradan ümummilli liderin siyasi uzaqgörənliyi, müdrikliyi, milli dövlətçiliyimizin qorunub saxlanılmasında və dövlət quruculuğundakı əvəzedilməz rolu barədə ətraflı danışılıb, dahi öndərin müəyyənləşdirdiyi inkişaf kursunun möhtərəm Prezidentimiz cənab İlham Əliyev tərəfindən uğurla davam etdirilməsi nəticəsində ölkəmizin yüksək nailiyyətlər əldə etdiyi vurğulanıb.

 

ƏDLİYYƏ AKADEMİYASINDA HAKİMLƏR ÜÇÜN İXTİSASARTIRMA KURSU KEÇİRİLİB

2019-05-08

8 may tarixində Ədliyyə Akademiyasında hakimlər üçün Avropa İnsan Hüquqları Konvensiyası və Əlillərin hüquqları haqqında Konvensiyamövzusunda ixtisasartırma kursu keçirilib.

Ümumilikdə 37 hakimin iştirak etdiyi tədris kursunda Bakı Apellyasiya Məhkəməsinin hakimlərinin və BDU-nun Əmək və ekologiya hüququ kafedrasının professorunun mühazirələri dinlənilib. 

 

ƏDLİYYƏ AKADEMİYASININ ƏMƏKDAŞLARI AŞ-NIN 70 İLLİYİ İLƏ BAĞLI AÇIQ GÜNDƏ İŞTİRAK EDİBLƏR

2019-05-05

Mayın 5-də Avropa Şurasının (AŞ) 70 illiyi münasibətilə təşkilatın Bakı Ofisində Açıq Gün keçirilib. Ədliyyə Akademiyasının 5 nəfər əməkdaşı və Akademiyada Penitensiar xidmətin orta rəis heyətinə qulluğa qəbul edilən namizədlər üçün keçirilən icbari təlimin 5 nəfər nümayəndəsi həmin tədbirdə iştirak ediblər.

Tədbirdə ilk olaraq Təşkilatın Bakı Ofisinin rəhbəri səfir Zoltan Hernyes Avropa Şurasının 70 illiyi haqda danışıb, daha sonra çirkli pulların yuyulması və ədliyyə sahəsində islahatlarla bağlı həyata keçirilən layihələr barədə layihə rəhbərləri iştirakçılara məlumat veriblər. Həmçinin Təşkilat tezliklə gender bərabərliyi və media azadlığı mövzularında layihəyə başlayacaqlarını bildiriblər.

 

BEYNƏLXALQ QIZIL XAÇ KOMİTƏSİ VƏ ƏDLİYYƏ AKADEMİYASININ BİRGƏ TƏŞKİLATÇILIĞI İLƏ HAKİMLƏR VƏ PROKURORLAR ÜÇÜN TƏLİM KEÇİRİLİBD

2019-05-03

2-3 may tarixlərində Beynəlxalq Qızıl Xaç Komitəsi və Ədliyyə Akademiyasının birgə təşkilatçılığı ilə “Ayrı-ayrı kateqoriyalara aid cinayətlərə baxılmasının xüsusiyyətləri: Terrorizm cinayətləri beynəlxalq hüquq müstəvisində” mövzusunda hakimlər və prokurorlar üçün təlim keçirilib.

Təlimdə Beynəlxalq Qızıl Xaç Komitəsinin Azərbaycandakı Nümayəndəliyinin başçısı Elena A. Sessera açılış nitqi ilə çıxış edib. 

 

ƏDLIYYƏ AKADEMIYASINDA ICRA MƏMURLARI ÜÇÜN TƏLIM KEÇIRILIB

2019-04-30

Ədliyyə Akademiyası və İcra baş idarəsinin  birgə  təşkilatçılığı ilə 30 aprel tarixində tarixdə icra məmurları üçün “Alimentin tutulması, uşaqla ünsiyyətdə olma və uşağın alınıb-verilməsi tələblərinə dair məhkəmə qərarlarının icrası işinin  təkmilləşdirilməsi” mövzusunda təlim keşirilib.

 

Tədris proqramına uyğun olaraq həyata keçirilən təlim zamanı  “Uşağın alınıb-verilməsi və uşaqla ünsiyyət tələbinə dair icra sənədlərinin icrası zamanı uşağın mənafeyinə zərər vurmadan icranın təmin ounması”, “Alimentin tutulması, uşaqla ünsiyyətdə olma və uşağın alınıb-verilməsi tələblərinə dair məhkəmə qərarlarının icrası zamanı icra məmurları tərəfindən yol verilən xarakterik nöqsanlar və onların aradan qaldırılması üzrə görülən tədbirlər”, “Alimentin tutulmasına dair icra sənədlərinin icrası qaydası” mövzuları üzrə mühazirələr dinləyicilərin diqqətinə çatdırılıb. Tədbirdə 25 nəfər icra məmuru iştirak edib.