Xəbərlər

MƏHKƏMƏ APARATI İŞÇİLƏRİ ÜÇÜN İXTİSASARTIRMA KURSLARI KEÇİRİLİB

2019-09-25

Sumqayıt Apellyasiya Məhkəməsində Sumqayıt Apellyasiya və Sumqayıt İnzibati-İqtisadi məhkəmələrində çalışan məhkəmə aparatı işçiləri üçün “Məhkəmələrdə müasir informasiya-kommunikasiya texnologiyalarının tətbiqi məsələləri” mövzusunda təlim keçirilib.

Məhkəmə aparatı işçiləri üçün keçirilən təlim zamanı“ Məhkəmə-hüquq sistemində islahatların dərinləşdirilməsi haqqında” Azərbaycan Respublikası Prezidentinin 03 aprel 2019-cu il tarixli Fərmanı”, “Məhkəmələrdə müasir informasiya-kommunikasiya texnologiyalarının tətbiqinin əsasları”,“Elektron məhkəmə informasiya sistemindən məhkəmələrdə səmərəli istifadə məsələləri” barədə mövzular tədris olunub.

 

HELP PROQRAMI ÇƏRÇİVƏSİNDƏ TƏLİM KEÇİRİLİB

2019-09-22

21-22 sentyabr tarixlərində Avropa Şurası və Ədliyyə Akademiyasının birgə təşkilatçılığı ilə “Hilton” mehmanxanasında “Avropa İnsan Hüquqları Konvensiyası və Avropa İnsan Hüquqları Məhkəməsinin presedent hüququnun Azərbaycanda tətbiqi” layihəsi çərçivəsində “HELP proqramı (hüquqşünaslar üçün insan hüquqlarının tədrisi)” üzrə təlim keçirilib

 

ƏDLİYYƏ AKADEMİYASINDA HAKİMLƏR ÜÇÜN İXTİSASARTIRMA KURSU KEÇİRİLİB

2019-09-20

 

Ədliyyə Akademiyasında hakimlər üçün “Cinayət işləri üzrə məhkəmə baxışının xüsusiyyətləri” mövzusunda ixtisasartırma kursu keçirilib.

37 hakimin iştirak etdiyi kursda Sumqayıt Apellyasiya Məhkəməsinin, Bakı Apellyasiya Məhkəməsinin hakimləri, Baş prokuror yanında Korrupsiyaya qarşı Mübarizə Baş İdarəsinin və Maliyyə Monitorinq Xidmətinin əməkdaşlarının  təqdimatları dinlənilib.

 

ƏDLİYYƏ AKADEMİYASINDA VƏKİLLƏR KOLLEGİYASININ ÜZVLƏRİ ÜÇÜN TƏLİM KEÇİRİLİB

2019-09-20

 

Ədliyyə Akademiyasında Azərbaycan Respublikası Vəkillər Kollegiyasının üzvləri üçün Məhkəmələrdə müasir informasiya-kommunikasiya texnologiyalarının tətbiq məsələləri mövzusunda təlim keçirilib.

14 vəkilin cəlb edildiyi  təlimdə  Bakı Apellyasiya Məhkəməsinin hakimi, Ədliyyə Nazirliyi “Mütərəqqi Ədliyyə Xidmətləri və Müasir Məhkəmə İnfrastrukturu Layihəsi”nin icrasına nəzarət üzrə mütəxəssisi və Ədliyyə Nazirliyinin İnformasiya-Kommunikasiya Texnologiyaları idarəsinin əməkdaşının təqdimatları dinllənilib.

 

“AVROPA İNSAN HÜQUQLARI KONVENSİYASI ÇƏRÇİVƏSİNDƏ MÜLKİYYƏT HÜQUQU” MÖVZUSUNDA TƏLİM KEÇİRİLİB

2019-09-15

15 sentyabr tarixində Avropa Şurası və Ədliyyə Akademiyasının birgə təşkilatçılığı ilə hakimlər, vəkillər və Ədliyyə Akademiyasının əməkdaşları üçün “Avropa İnsan Hüquqları Konvensiyası və Avropa İnsan Hüquqları Məhkəməsinin presedent hüququnun Azərbaycanda tətbiqi” layihəsi çərçivəsində “Avropa İnsan Hüquqları Konvensiyası çərçivəsində Mülkiyyət hüququ” mövzusunda təlim keçirilib.