Xəbərlər

HAKİMLİYƏ NAMİZƏDLƏRLƏ UZUNMÜDDƏTLİ TƏDRİS KURSU DAVAM EDİR

2017-12-06

Ölkə Prezidenti cənab İlham Əliyevin ədalət mühakiməsinin səmərəliliyinin artırılmasına dair tapşırıqları çərçivəsində hakim korpusunun yüksək hazırlıqlı hüquqşünaslar hesabına formalaşdırılması üzrə tədbirlər görülür, bu məqsədilə Avropada örnək kimi dəyərləndirilən ən şəffaf seçim qaydası tətbiq olunur.

 

Hazırda növbəti seçim zamanı test üsulu ilə, habelə yazılı və şifahi imtahanlarda müvəffəqiyyət qazanmış 126 nəfər hakimliyə namizəd Ədliyyə Akademiyasında bir illik nəzəri və təcrübi kurs keçirlər.

 

ƏDLİYYƏ AKADEMİYASI VƏ BEYNƏLXALQ MİQRASİYA TƏŞKİLATININ (BQMT) NÜMAYƏNDƏLƏRİ İLƏ GÖRÜŞ

2017-10-12

Beynəlxalq Miqrasiya Təşkilatının dəstəyi ilə (BqMT) “Azərbaycanda insan alverinə qarşı mübarizə üzrə potensialların artırılması” (ENCT) layihəsi həyata keçirilir. Azərbaycan hökumətinin dəstəyi ilə həyata keçirilən layihə, digər dövlət orqanları ilə yanaşı, Ədliyyə Nazirliyi və onun Akademiyası tərəfindən də icra olunur.

 

Layihə çərçivəsində Ədliyyə Akademiyasında “İnsan alverinə qarşı mübarizə” təlim proqramının hazırlanması üçün 14 nəfərdən ibarət işçi qrupu yaradılmışdır. İşçi qrupunun tərkibinə Ədliyyə Akademiyası, Baş Prokurorluq, Ombudsman Aparatı, Daxili İşlər Nazirliyi, Bakı Ağır Cinayətlər Məhkəməsi, Beynəlxalq Miqrasiya Təşkilatının nümayəndələri və BMqT tərəfindən cəlb olunan mütəxəxəssislər daxil edilmişlər. İşçi qrupunun tərkibinə beynəlxalq ekspert qismində Makedoniya Respublikası Ədliyyə Akademiyasının rektoru xanım Aneta Arnaudovska və BMqT-nin eksperti Shareen Tuladhar cəlb edilmişlər.

 

TÜRKİYƏNİN İSTANBUL ŞƏHƏRİNDƏ TÜRKİYƏ ƏDLİYYƏ AKADEMİYASININ TƏŞKİLATÇILIĞI İLƏ HÜQUQ TƏHSİLİ ÜZRƏ BEYNƏLXALQ KONQRES KEÇİRİLMİŞDİR

2017-10-06

4-6  oktyabr 2017-ci il tarixində Türkiyənin İstanbul şəhərində Türkiyə Ədliyyə Akademiyasının təşkilatçılığı ilə Hüquq təhsili üzrə Beynəlxalq Konqres keçirilmişdir. Konqresin məqsədini hüquq təhsili sahəsində tədqiqatların aparılması, bu sahədə platformanın yaradılması, hüquq təhsilinin mühüm məqamlarının və əsalarının müəyyən edilməsi, beynəlxalq əməkdaşlığın inkişafı və digər aktual məsələlər ətrafında təcrübə mübadiləsinin aparılması təşkil etmişdir.

 

Beynəlxalq konqresdə bir çox ölkələrdən olan alimlər, praktiki hüquqşünaslar və hakimlər, həmçinin bir sıra xarici ekspertlər iştirak etmişdir. Konqresdə Ədliyyə Akademiyası da tərəfindən təmsil edilmişdir.

 

STRASBURQDA HELP ŞƏBƏKƏSİNİN İLLİK KONFRANSI KEÇİRİLİB

2017-06-19

Avropa Şurası İnsan hüquqları və qanunun aliliyi üzrə Baş Direktorluğunun Hüquqşünaslar üçün insan hüquqlarının tədrisi üzrə Avropa Proqramı (HELP) çərçivəsində iyunun 19-20-də Strasburqda HELP şəbəkəsinin İllik Konfransı keçirilib.

 

Avropa Şurasına üzv 47 ölkədən 150-dən çox təmsilçinin iştirak etdiyi tədbirdə Ədliyyə Akademiyasının rektoru vəzifəsini icra edən Elçin Xələfov, Vəkillər Kollegiyasının Rəyasət Heyətinin üzvü Anar Bağırov, HELP proqramının hakimlər və vəkillər arasında təbliğatına məsul nümayəndələri iştirak ediblər.

 

AZƏRBAYCAN NÜMAYƏNDƏ HEYƏTİNİN KOREYAYA TƏLİM SƏFƏRİ

2017-05-14

Cari ilin mayın 14-dən iyunun 3-dək Ədliyyə Nazirliyinin Ədliyyə Akademiyasının, Məhkəmə ekspertizası mərkəzinin və Baş Prokurorluğun əməkdaşları Koreya Respublikasının Seul şəhərində təlim səfərində olublar.

 

Koreya Beynəlxalq Əməkdaşlıq Agentliyi tərəfindən təşkil edilmiş təlimdə bu ölkənin Ədliyyə və Daxili İşlər nazirliklərinin, Baş Prokurorluğun, Prokurorluq yanında Elmi Araşdırmalar Mərkəzinin və digər qurumların məsul şəxsləri tərəfindən ədliyyə və prokurorluq orqanlarının fəaliyyəti, hüquqi yardım, məhkəmə ekspertizasının bəzi məsələləri, cinayət prosesi, kibercinayətkarlıqla mübarizə, elektron monitorinq sistemi və digər aktual mövzularda mühazirələr tədris olunub.