"İNSAN ALVERİNƏ QARŞI MÜBARİZƏ ÜZRƏ MİLLİ POTENSİALLARIN ARTIRILMASI" LAYİHƏSİ BAŞA ÇATIB

 

2019-06-19

Beynəlxalq Miqrasiya Təşkilatı və Ədliyyə Akademiyasının birgə təşkilatçılığı ilə "İnsan alverinə qarşı mübarizə üzrə milli potensialların artırılması" layihəsinin bağlanış mərasimi keçirilib.
Tədbirdə BMqT-nin Azərbaycandakı Nümayəndəliyinin rəhbəri Vladimir Gjorgjiev, BMT-nin Rezident Əlaqələndiricisi Qulam Isakzai, Avropa İttifaqının Azərbaycandakı Nümayəndəliyinin rəhbəri Kestutis Jankauskas, Daxili İşlər Nazirliyi İnsan Alverinə qarşı Mübarizə Baş İdarəsinin rəisi Heydər Heydərov, Xarici İşlər Nazirliyi Humanitar və Sosial məsələlər idarəsinin rəhbəri Əlimirzamin Əskərov, Dövlət Miqrasiya Xidmətinin rəis müavini Pərviz Musayev və Ədliyyə Akademiyasının rektor vəzifəsini icra edən Elçin Xələfov giriş nitqi ilə çıxış edib, layihənin icrası dövründə keçirilmiş təlimlərdən, təşkil olunmuş tədris səfərlərindən, çap olunmuş kurikulum və dərs vəsaitindən və digər görülmüş işlər barədə məlumat verib, layihənin uğurlu gedişatından bəhs ediblər.
Daha sonra BMqT-nin Azərbaycandakı Nümayəndəliyində layihə rəhbəri Marija Nikolovska layihə çərçivəsində görülmüş işlər barədə təqdimatla çıxış edib.
Tədbirdə hakimlər, Ədliyyə Nazirliyinin, Daxili İşlər Nazirliyinin, Dövlət Miqrasiya Xidmətinin, Ədliyyə Akademiyasının əməkdaşları, Vəkillər Kollegiyasının üzvü və digər dövlət qurumlarının nümayəndələri iştirak ediblər.
2016-cı ilin noyabr ayından etibarən Avropa İttifaqı və BMqT-nin İnkişaf Agentliyi tərəfindən birgə maliyyələşən "Azərbaycanda insan alverinə qarşı mübarizə üzrə milli potensialların artırılması" layihəsinin məqsədi insan alverinə qarşı effektiv mübarizə aparmaq və insan alveri qurbanlarını müdafiə etmək sahəsində bilik və bacarıqların artırılmasından ibarət olub.

Yekunda BMqT-nin Azərbaycandakı Nümayəndəliyinin rəhbəri V.Gjorgjiev layihə çərçivəsində uğurlu əməkdaşlığa görə Təşkilatın tərəfdaşlarına təşəkkürnamələr təqdim edib. 

ƏQLİ MÜLKİYYƏT HÜQUQLARININ TƏMİNATINDA MƏHKƏMƏ-HÜQUQ SİSTEMİNİN ROLUNA DAİR KONFRANS-TƏLİM KEÇİRİLİB

 

2019-06-14

İyunun 14-də Azərbaycan Respublikasının Əqli Mülkiyyət Agentliyinin təşkilatçılığı və Ədliyyə Nazirliyinin Ədliyyə Akademiyasının dəstəyi ilə “Məhkəmə islahatları: məhkəmə-hüquq sisteminin əqli mülkiyyət hüquqlarının təminatında rolu” mövzusunda konfrans-təlim keçirilib.

AZƏRTAC xəbər verir ki, tədbiri açan Agentliyin İdarə Heyətinin sədri Kamran İmanov sabah iyunun 15-nin Milli Qurtuluş Günü - Ulu Öndərin hakimiyyətə qayıdışı günü olduğunu qeyd edib, Azərbaycanın bugünkü həyatının və reallıqlarının həmin Qurtuluşa arxalandığını, Ümummilli Liderimizin istər müstəqil Azərbaycanın əqli mülkiyyət sisteminin yaradıcısı, istərsə də müasir məhkəmə-hüquq sistemimizin banisi olduğunu bildirib. Qeyd edib ki, ümummilli lider Heydər Əliyevin böyüklüyünü, bütün sahələrə aid gördüyü işləri olduğu kimi tam şəkildə şərh etməkdə biz – onun müasirləri acizik və yalnız illər, qərinələr ötəndən sonra bu tarixi şəxsiyyətin vətəni, xalqı qarşısındakı xidmətlərinin əsl qiymətini zaman özü verəcək. 

 

Elmi-tədqiqat və məhkəmə presedenti şöbəsi

  • Fəaliyyəti
  • Əməkdaşlar

Elmi-tədqiqat və məhkəmə presedenti şöbəsi Akademiyanın elmi-pedaqoji kadrların hazırlanması, elmi-tədqiqat işlərinin planlaşdırılması, yerinə yetirilməsi və onlara nəzarət, həmcinin elmi-tədqiqatların nəticələrinin təcrübəyə və tədris prosesinə tətbiq edilməsi, məhkəmə presedenti ilə bağlı elmi tədqiqatların aparılması məqsədilə yaradılan  struktur qurumudur.

Şöbənın elmi- metodiki,elmi-tədqiqat, analitik-informasiya, idarəçilik kimi fəaliyyət istiqamətləri var .Və bu fəaliyyət istiqamətlərinə uyğun olaraq aşağıdakı vəzifələri yerinə yetirir:

1.Məhkəmə presedenti ilə bağlı tədqiqatlar aparır, elmi-tədqiqat proseslərini təşkil edir və əlaqələndirir;
2.Hüquq elminin prioritet istiqamətləri üzrə fundamental və tətbiqi
araşdırmaların aparılması, hüquq elminin prioritet istiqamətləri üzrə konseptual problemlərin tədqiq edilməsi işinın təşkili və məhkəmə presedenti problemlərinin tədqiqi məqsədilə Elmi Şuraya təkliflər verir;
3.Akademiyanın elmi-metodoki, elmi-tədqiqat, analitik informasiya fəaliyyətinin illik planlarının layəhələrini, onların yerinə yetirilməsi üzrə hesabatları hazırlayır  və elmi Şuraya təqdim edir;  
4.Elmi təqiqat fəaliyyətinin vəziyyəti və perspektivləri sahəsində analitik informasiya fəaliyyətini həyata keçirir və rektora tövsiyələr verir;
5.Akademiyanın elmi-pedaqoji heyətinin elmi ixtisasının artırılması, elmi kadrların əlavə təhsili üzrə proqramlar hazırlanmasında və həyata keçirilməsində işturak edir;
6.Rektorun yazılı göstərişi ilə müraciət əsasında dövlət və qeyri-dövlət qurumları üçün analitik, məsləhət və proqnozlaşdırma fəaliyyətinin həyata keçirilməsində iştirak edir, müvafiq sənədlərin layihələrini hazırlayır;
7.Rektorun yazılı göstərişi ilə hüquqi aktlarının layihələrini hazırlayır, onların elmi ekspertizasını keçirir və nəticələrinin təsdiq olunması üçün Elmi Şuraya təqdim edir;
8.Milli və xarici ekspertlərin iştirakı ilə elmi forumların
keçirilməsi, elmi seminarların, konfransların, simpoziumların, konqreslərin təşkili və keçirilməsi məsələləri ilə məşğul olur;
9.Tədris prosesinin elmi təşkilinin təkmilləşdirilməsinə yönəldilmiş elmi-metodik iş aparır və Elmi Şuraya təkliflər verir;
10.Fundamental və tətbiqi elmi tədqiqatların, o cümlədən məhkəmə presedenti ilə bağlı tədqiqatların, aparılması,elmi kadrların ixtisasının artırılması işində milli, xarici və beynəlxalq elmi mərkəzlərlə əməkdaşlıqla bağlı təkliflər hazirlayır və bu əməkdaşlığın həyata  keçirilməsini təmin edir;
11.Ədliyyə və məhkəmə orqanları, vəkillik üçün Nazirlik,
Məhkəmə-Hüquq Şurası və Azərbaycan Respublikası Vəkillər Kollegiyasının Rəyasət Heyəti tərəfindən təqdim olunan plan-sifarişlər əsasında həyata keçirilən tədqiqatları əlaqələndirir;
12.Akademiyanın qarşısında duran problemlərin həlli məqsədilə elmi potensialdan səmərəli istifadə olunması üzrə təkliflər hazırlayır;
13.Digər dövlət və qeyri-dövlət orqanlarının ayrı-ayrı sahələr və məsələlər üzrə elmi tədqiqatlarının aparılması ilə bağlı müraciətlərini Elmi Şuranın müzakirəsi üçün hazırlayır;
14.Elmi işlərin dərc olunması üzrə illik nəşr planının layihəsini hazırlayır və rektorun təsdiqinə verir;
15.Yaradıcılıq məzuniyyətləri verilməsi üçün təkliflər verir;
16.Şöbənin əməkdaşlarına  dosent və professor elmi adlarının,həvəsləndirmə tədbirlərinin tətbiq edilməsi üçün Elmi Şuraya təkliflər verir;
17.Akademiyanın elmi adlarının təsis edilməsi və verilməsi ilə bağlı Elmi Şuraya təkliflər verir;
18.Akademiyada elmi adların verilməsi ilə bağlı sənədlərə baxır və Azərbaycan Respubliksının Prezidenti yanında Ali Attestasiya Komissiyasına təqdim edir;
19.Akademiyada elmi işçilərin attestasiyasının, professor-müəllim heyəti, kafedra müdiri, fakülfə dekanı vəzifələrinin tutulması üçün müsabiqənin keçirilməsini təşkil edir;
20.Dissertasiya işlərinin ilkin ekspertizasını və rəy verilməsi haqqında sənədləri Elmi Şuranın müzakirısinə hazırlayır;
21.Elmi Şuranın iclaslarının keçirilməsi ilə bağlı təşkilati məsələləri həll edir;
22.Elmi Şuranın protokollarını, Elmi Şuranın qərarları əsasında verilən əmrlərin layihələrini hazırlayır;
23.Elmi Şura qərarlarının aidiyyəti orqanlara çatdırəlmasını, Elmi Şuranın protokollarının surətlərinin və onlardan çıxarışlar verilməsini təşkil edir;
24.Elmi Şuranın fəaliyyəti barədə məlumatların Akademiyanın internet saytında yerləşdirilməsi üçün hazırlayır;
25.Elmi Şuranın qərarlarının, habelə onun əsasında verilmiş əmrlərin icrasına nəzarət edir və bu barədə mütəmadi olaraq Akademiyanın rektoruna məlumat verir;
26.Hüquqi maarifləndirmə işində iştirak edir;
27.Fəaliyyət istiqamətləri üzrə və Akademiyanın rəhbərliyinin tapşırıqları əsasında digər vəzifələri yerinə yetirir.