Xəbərlər

ƏDLİYYƏ AKADEMİYASININ NÜMAYƏNDƏSİ BEYNƏLXALQ KONFRANSDA İŞTİRAK EDİB

2019-12-18

Ötən günlərdə Ukrayna Milli Hakimlər Məktəbi və Avropa Şurasının birgə təşkilatçılığı ilə "Hüquq təhsili vasitəsilə insan hüquqlarının müdafiəsi: ən yaxşı təcrübələr və standartların təkmilləşdirilməsi" adlı yüksək səviyyəli beynəlxalq konfrans keçirilib. Ukrayna Respublikasının Ali Məhkəməsində baş tutan tədbirdə Ədliyyə Akademiyasının rektoru vəzifəsini icra edən Elçin Xələfov iştirak edib.

Konfransda Qərbi və Şərqi Avropanın bir sıra ölkələrindən hakimlərin tədrisini həyata keçirən qurumların nümayəndələri, Avropa Şurasının nümayəndələri və ekspertlər, hakim təlimçilər və alimlər də iştirak ediblər.

 

ƏDLİYYƏ AKADEMİYASININ NÜMAYƏNDƏSİ BEYNƏLXALQ KONFRANSDA İŞTİRAK EDİB

2019-12-10

Dekabr ayında Rusiya Federasiyası Hökuməti yanında Qanunvericilik və Müqayisəli Hüquq İnstitutunda “Hüquqi dəyərlərmüqayisəli hüququn diqqəti mərkəzində” IX Beynəlxalq Müqayisəli Hüquq Konqresi keçirilib.

Ənənəvi olaraq, Hüquq vasitəsilə Demokratiya üzrə Avropa Komissiyası (Avropa Şurasının Venesiya Komissiyası) ilə birlikdə təşkil olunan tədbirdə və Ədliyyə Akademiyasının rektoru vəzifəsini icra edən Elçin Xələfov iştirak edib.

 

 

AVROPA ŞURASI VƏ ƏDLİYYƏ AKADEMİYASININ BİRGƏ TƏŞKİLATÇILIĞI İLƏ KONFRANS KEÇİRİLİB

2019-12-04

Avropa Şurası və Ədliyyə Nazirliyinin təşkilatçılığı ilə “Azərbaycanda ədliyyə sisteminin təkmilləşdirilməsi və onun Avropa İnsan Hüquqları Məhkəməsinin presedent hüququna uyğunlaşdırılması” mövzusunda konfrans keçirilib.

Tədbirdə 60-dək birinci və apellyasiya instansiya məhkəməsinin hakimi və prokurorluq orqanlarının əməkdaşı  iştirak edib.

 

ƏDLİYYƏ AKADEMİYASINDA VİDEO-KONFRANS KEÇİRİLİB

2019-11-08

Ölkə Prezidenti İlham Əliyevin "Məhkəmə-hüquq sistemində islahatların dərinləşdirilməsi haqqında" 2019-cu il 3 aprel tarixli Fərmanının icrası çərçivəsində hakimlərin və digər hüquqşünasların peşəkarlıq səviyyəsinin yüksəldilməsinə xüsusi diqqət yetirilir, Ədliyyə Akademiyasında insan hüquqları və digər aktual mövzularda davamlı tədris tədbirləri, o cümlədən distant treninq formaları tətbiq olunmaqla video-konfrans vasitəsilə təlimlər təşkil olunur. Bu sahədə həmçinin, bir çox dövlətlərlə faydalı əməkdaşlıq edilərək təcrübə mübadiləsi aparılır.

 

BƏLƏDİYYƏ ÜZVLƏRİ VƏ QULLUQÇULARI ÜÇÜN ARDICIL İXTİSASARTIRMA KURSLARI KEÇİRİLİR

2019-10-31

Bakı şəhəri ərazisində fəaliyyət göstərən bələdiyyə üzvləri və qulluqçularının hüquqi maarifləndirilməsi məqsədilə Ədliyyə Akademiyasında tədris kursları keçirilib.

Bakı şəhəri ərazisində fəaliyyət göstərən bələdiyyə üzvləri və qulluqçularının hüquqi maarifləndirilməsi məqsədilə təşkil edilən tədris kurslarında ümumilikdə  33 nəfər dinləyici qismində iştirak edib. Tədris kursunda “Çoxmənzilli binaların idarə edilməsi sahəsində bələdiyyələrin rolu”, “Yerli turizmin, eləcə də tibbi turizmin təşkilində bələdiyyələrin iştirakı”, Sahibkarlığın inkişafında və əhalinin məşğulluğunun təmin olunmasında bələdiyyələrin iştirakı”, “Vergi uçotunun qurulması, yerli vergi və ödənişlərin nəğdsiz ödəmə vasitəsilə həyata keçirilməsi”, “Beynəlxalq təcrübəyə əsasən insan hüquqlarının qorunmasında bələdiyyələrin rolu” kimi mühazirələr iştirakçıların diqqətinə çatdırılıb.

 
12345 >>