"İNSAN ALVERİNƏ QARŞI MÜBARİZƏ ÜZRƏ MİLLİ POTENSİALLARIN ARTIRILMASI" LAYİHƏSİ BAŞA ÇATIB

 

2019-06-19

Beynəlxalq Miqrasiya Təşkilatı və Ədliyyə Akademiyasının birgə təşkilatçılığı ilə "İnsan alverinə qarşı mübarizə üzrə milli potensialların artırılması" layihəsinin bağlanış mərasimi keçirilib.
Tədbirdə BMqT-nin Azərbaycandakı Nümayəndəliyinin rəhbəri Vladimir Gjorgjiev, BMT-nin Rezident Əlaqələndiricisi Qulam Isakzai, Avropa İttifaqının Azərbaycandakı Nümayəndəliyinin rəhbəri Kestutis Jankauskas, Daxili İşlər Nazirliyi İnsan Alverinə qarşı Mübarizə Baş İdarəsinin rəisi Heydər Heydərov, Xarici İşlər Nazirliyi Humanitar və Sosial məsələlər idarəsinin rəhbəri Əlimirzamin Əskərov, Dövlət Miqrasiya Xidmətinin rəis müavini Pərviz Musayev və Ədliyyə Akademiyasının rektor vəzifəsini icra edən Elçin Xələfov giriş nitqi ilə çıxış edib, layihənin icrası dövründə keçirilmiş təlimlərdən, təşkil olunmuş tədris səfərlərindən, çap olunmuş kurikulum və dərs vəsaitindən və digər görülmüş işlər barədə məlumat verib, layihənin uğurlu gedişatından bəhs ediblər.
Daha sonra BMqT-nin Azərbaycandakı Nümayəndəliyində layihə rəhbəri Marija Nikolovska layihə çərçivəsində görülmüş işlər barədə təqdimatla çıxış edib.
Tədbirdə hakimlər, Ədliyyə Nazirliyinin, Daxili İşlər Nazirliyinin, Dövlət Miqrasiya Xidmətinin, Ədliyyə Akademiyasının əməkdaşları, Vəkillər Kollegiyasının üzvü və digər dövlət qurumlarının nümayəndələri iştirak ediblər.
2016-cı ilin noyabr ayından etibarən Avropa İttifaqı və BMqT-nin İnkişaf Agentliyi tərəfindən birgə maliyyələşən "Azərbaycanda insan alverinə qarşı mübarizə üzrə milli potensialların artırılması" layihəsinin məqsədi insan alverinə qarşı effektiv mübarizə aparmaq və insan alveri qurbanlarını müdafiə etmək sahəsində bilik və bacarıqların artırılmasından ibarət olub.

Yekunda BMqT-nin Azərbaycandakı Nümayəndəliyinin rəhbəri V.Gjorgjiev layihə çərçivəsində uğurlu əməkdaşlığa görə Təşkilatın tərəfdaşlarına təşəkkürnamələr təqdim edib. 

ƏQLİ MÜLKİYYƏT HÜQUQLARININ TƏMİNATINDA MƏHKƏMƏ-HÜQUQ SİSTEMİNİN ROLUNA DAİR KONFRANS-TƏLİM KEÇİRİLİB

 

2019-06-14

İyunun 14-də Azərbaycan Respublikasının Əqli Mülkiyyət Agentliyinin təşkilatçılığı və Ədliyyə Nazirliyinin Ədliyyə Akademiyasının dəstəyi ilə “Məhkəmə islahatları: məhkəmə-hüquq sisteminin əqli mülkiyyət hüquqlarının təminatında rolu” mövzusunda konfrans-təlim keçirilib.

AZƏRTAC xəbər verir ki, tədbiri açan Agentliyin İdarə Heyətinin sədri Kamran İmanov sabah iyunun 15-nin Milli Qurtuluş Günü - Ulu Öndərin hakimiyyətə qayıdışı günü olduğunu qeyd edib, Azərbaycanın bugünkü həyatının və reallıqlarının həmin Qurtuluşa arxalandığını, Ümummilli Liderimizin istər müstəqil Azərbaycanın əqli mülkiyyət sisteminin yaradıcısı, istərsə də müasir məhkəmə-hüquq sistemimizin banisi olduğunu bildirib. Qeyd edib ki, ümummilli lider Heydər Əliyevin böyüklüyünü, bütün sahələrə aid gördüyü işləri olduğu kimi tam şəkildə şərh etməkdə biz – onun müasirləri acizik və yalnız illər, qərinələr ötəndən sonra bu tarixi şəxsiyyətin vətəni, xalqı qarşısındakı xidmətlərinin əsl qiymətini zaman özü verəcək. 

 

Tədris və ETV-lə təminat şöbəsi

  • Fəaliyyəti
  • Əməkdaşlar

Ədliyyə Akademiyasının Tədris və ETV-lə təminat şöbəsi öz vəzifələrini aşağıdakı fəaliyyət istiqamətləri uygun olaraq yerinə yetirir:

1.Tədrisin təşkili;
2.Elmi- metodiki;
3.Analitik-informasiya;
4.İdarəçilik.

Şöbə fəaliyyət istiqamətlərinə uyğun olaraq aşağıdakı vəzifələri yerinə yetirir:

1.Fakultələr və əlaqədar təşkilatlarla birlikdə tədris planlarının layihəsini hazırlayır;
2.Tədris prosesini təşkil edir və tədrisin keyfiyyətinə cari nəzarəti həyata keçirir;
3.Tədris yükünün normaları haqqında təkliflər verir və professor-müəllim heyətinin tədris yükünün faktiki yerinə yetirməsinə nəzarət edir;
4.Əməyi saathesabı ödənilməklə tədris məşğələlərinə cəlb olunan işçilərin, müstəqil ekspertlərin və mütəxəssislərin uçotunu aparır;
5.Akademiyada seminar, yekun müsahibə, məqbul, imtahan, yazılı yoxlama işi, kollokvium, dövlət yekun attestasiyası, biliklərin avtomatlaşdırılmış yoxlanılması və test növündə qiymətləndirmə formalarının tətbiqini təşkil edir;
6.Struktur bölmələrinin  tədris və ETV ilə təminat barədə hesabatlarını, statistik və  digər məlumatları toplayır,tədris planlarının yerinə yetirilməsi barədə hesabatlar hazırlayır və Elmi Şuraya təqdim edir;
7.Tədris prosesinin elmi təşkilinin təkmilləşdirilməsinə yönəldilmiş elmi-metodik iş aparır, müasir informasiya texnologiyalarının və texniki vəsaitlərin tədrisdə istifadə formalarının və metodlarının, yeni tədris texnologiyalarının işlənib hazırlanmasında iştirak edir;
8.Kafedralarla birlikdə tədris olunan fənlərin kompleks elmi və metodik təminatında, tədrisin qabaqcıl forma və metodlarını təmin edən elmi-metodiki materialların işlənib hazırlanmasında iştirak edir;
9.Tədris məsələləri ilə bağlı kafedralara və fakultələrə metodiki yardım göstərir;
10.Dövlət təhsil standartlarına uyğun olaraq, tədris prosesinin yüksək keyfiyyətinin təmin olunmasına yönəldilən tədris vasitə, metod və formalarının seçməsi və tətbiqi üzrə metodiki iş aparır;
11.Tədris-metodiki ədəbiyyatın alınması ilə bağlı təkliflər verir;
12.Tədris avadanlığı və ləvazimatlardan, aparatura və cihazlardan, laboratoriyalardan, kabinetlərdən, auditoriyalardan, xüsusi siniflərdən, informasiya və kommunikasiya texnologiyalarından, tədris və fondlarından və idman qurğularından istifadəyə nəzarət edir, onların işə yararlı vəziyyətdə saxlanılmasını təmin edir;
13.Dinləyicilərin tədris bazası kimi seçilmiş qurumlarda təcrübəsini təşkil edir;
14.Başa çatmış təhsil və tədris proqramları üzrə qanunvericiliyə uyğun olaraq kargüzarliq işini aparır;
15.Tədris və ETV ilə təminat fəaliyyətinin vəziyyəti və perspektivləri sahəsində analitik informasiya fəaliyyətini həyata keçirir və rektora tövsiyələr verir;
16.Elmi-texniki vasitələrin işlədilməsində işçilərə metodiki yardım göstərir;
17.Elmi-texniki vasitələrin tətbiqinə olan tələbatları öyrənir və elmi-tədqiqat, тədris-metodiki, maliyyə-təsərrüfat və kargüzarlıq fəaliyyətinin təkmilləşdirilməsi məqsədilə proqram təminatlarının həyata keçirilməsini təşkil edir;
18.Tədris proseslərinin yüksək səmərəsinin təmin edilməsi məqsədilə təkliflər verir;
19.Tədris preosesinin elmi-texniki vasitələrlə təmin edilməsi üzrə təkliflər hazirlayır;
20.Tədris prosesinin təminatı ilə bağlı fəaliyyəti əlaqələndirir;
21.Dəyişən heyətin şəxsi işlərini aparır;
22.Hüquqi maarifləndirmə işində iştirak edir;
23.Fəaliyyət istiqamətləri üzrə və Akademiyanın rəhbərliyinin tapşırıqları əsasında digər vəzifələri yerinə yetirir.