AVROPA İTTİFAQI-AZƏRBAYCAN ƏDLİYYƏ, AZADLIQ VƏ TƏHLÜKƏSİZLİK, İNSAN HÜQUQLARI VƏ DEMOKRATİYA MƏSƏLƏLƏRİ ÜZRƏ ALT KOMİTƏSİNİN İCLASI KEÇİRİLİB

 

2021-04-28

Bakı, 27 aprel, AZƏRTACAprelin 26-27-də Bakıda Avropa İttifaqı (Aİ) - Azərbaycan Ədliyyə, azadlıq və təhlükəsizlik, insan hüquqları və demokratiya məsələləri üzrə Alt Komitəsinin 9-cu iclası keçirilib. Xarici İşlər Nazirliyinin Mətbuat xidməti idarəsindən AZƏRTAC -a bildiriblər ki, iclasa Azərbaycan tərəfindən xarici işlər nazirinin müavini Mahmud Məmməd-Quliyev, Aİ tərəfindən isə Avropa Xarici Fəaliyyət Xidmətinin “Şərq tərəfdaşlığı” ölkələri ilə ikitərəfli münasibətlər şöbəsinin müdiri Riçard Tibbels həmsədrlik ediblər.

 

PREZİDENT İLHAM ƏLİYEVİN RƏHBƏRLİYİ İLƏ APARILAN MÜTƏRƏQQİ İSLAHATLAR MƏHKƏMƏ-HÜQUQ SİSTEMİNİ RƏQƏMSAL ÇAĞIRIŞLARA UYĞUN TƏKMİLLƏŞDİRİR

 

2021-04-28

 Bakı, 28 aprel, AZƏRTACBu günlərdə hüquq sisteminin rəqəmsal texnologiyalar əsasında inkişafına, bu sahədə müasir çağırışlara həsr olunmuş “Daşkənd Hüquq Baharı” Beynəlxalq Forumu keçirilib. Forumun mövzusunun aktual və əhəmiyyətli olduğunu nəzərə alaraq AZƏRTAC tədbirdə Azərbaycanı təmsil etmiş ədliyyə naziri Fikrət Məmmədovdan müsahibə alıb. Müsahibəni təqdim edirik. – Hörmətli Fikrət müəllim, məlumat verdiyimiz kimi, bu yaxınlarda keçirilmiş “Daşkənd Hüquq Baharı” Beynəlxalq Forumu Dördüncü Sənaye İnqilabı dövründə hüquqa baxış mövzusuna həsr olunub.

 

Xəbərlər

ƏDLİYYƏ AKADEMİYASINDA VƏKİLLƏR VƏ MƏHKƏMƏ APARATI İŞÇİLƏRİ ÜÇÜN SEMİNAR KEÇİRİLİB

2013-09-06

Avqustun 5 –də Ədliyyə Akademiyasında vəkillər və məhkəmə aparatı işçiləri üçün "Vəkillər və məhkəmə aparatı işçilərinin etik davranışının xüsusiyyətləri: milli qanunvericilik və beynəlxalq standartlar" mövzusuna həsr olunmuş seminar keçirilib.

Seminar Mərkəzin və Ədliyyə Akademiyasının təşkilati, Azərbaycan Prezidenti yanında QHT-lərə Dövlət Dəstəyi Şurasının maliyyə dəstəyi ilə gerçəkləşdirilən "Peşədaxili davranış qaydaları korrupsiyaya qarşı mübarizədə əsas alət kimi" adlı layihə çərçivəsində təşkil olunub.

Seminarda Bakı şəhər rayon məhkəmələrinin və Vəkillər Kollegiyasının Bakı şəhərində fəaliyyət göstərən üzvlərinin 30-dək nümayəndəsi iştirak edib.

Tədbiri giriş sözü ilə açan Akademiyanın prorektoru Elçin Xələfov vəkil və məhkəmə aparatı işçilərinin davamlı tədrisi çərçivəsində etika məsələlərinə dair seminarların təşkilinin əhəmiyyəti, hazırda bu mövzunun günümüzün tələbi ilə səsləşməsi barədə öz fikirlərini bildirib, təbdir iştirakçılarına uğurlar arzulayıb.

Həmçinin, tədbirdə açılış nitqi ilə çıxış edən Vəkillər Kollegiyasının Rəyasət Heyətinin sədr müavini Fərhad Nəcəfov ölkəmizdə həyata keçirilən mütərəqqi məhkəmə-hüquq islahatları və korrupsiyaya qarşı mübarizə tədbirləri çərçivəsində vəkil və məhkəmə aparatı işçilərinin maarifləndirilməsinin önəmini vurğulayıb, vətəndaş cəmiyyəti institutlarının bu işə mühüm töhfə verə bilmə imkanlarını xüsusi qeyd edib.

Daha sonra seminarın iştirakçılarını salamlayan Ədliyyə Akademiyasının Məhkəmə aparatı işçilərinin tədrisi fakültəsinin dekan əvəzi Əfqan Ələkbərov etik davranış standartları mövzusunda tədrisin təşkilinin dövlət başçısı tərəfindən korrupsiyaya qarşı mübarizə ilə bağlı son illərdə imzalanmış sənədlərdə xüsusilə qeyd olunduğunu bildirib, tədbirin əhəmiyyətini diqqətə çatdırıb.

Öz növbəsində, AHİM-in sədri Anar Bağırov seminarın vəkillər və məhkəmə aparatı işçilərinin fəaliyyətində əhəmiyyətini və analoji tədbirlərin korrupsiya ilə mübarizədəki xüsusi rolunu qeyd edib, QHT-lərin bu sahədə işinin səmərəliliyi barədə iştirakçıları məlumatlandırıb.

Sonra seminar A.Bağırov və Məhkəmə-Hüquq Şurası Aparatının Korrupsiyaya qarşı mübarizə sektorunun böyük məsləhətçisi Zahid Məmmədovun mühazirələri ilə işini davam etdirib.

Qeyd edək ki, layihəyə əsasən, AHİM tərəfindən 3 yeni kitab nəşr edilib. Buraya Avropa Vəkillər Kollegiyaları və Hüquq Birlikləri Şurası (CCBE) tərəfindən hazırlanmış "Avropada vəkil peşəsinə dair əsas prinsiplər haqqında Xartiya" və "Avropa vəkillərinin davranış Kodeksi"nin kommentariyaları, BMT-nin Ədalətli Məhkəmə Hakimiyyətinin Gücləndirilməsi üzrə Hakimlər Qrupu tərəfindən hazırlanmış "Məhkəmə aparatı işçiləri üçün davranış prinsipləri" və ölkəmizin müxtəlif dövlət orqanlarının etik davranış qaydalarını ehtiva edən "Etik Davranış Kodekslərinin Toplusu" daxildir.

Həmin vəsaitlər metodiki yardım məqsədilə seminar iştirakçılarına paylanıb.