10-12 dekabr  tarixlərində Azərbaycan Respublikasının Ədliyyə Nazirliyinin Ədliyyə Akademiyası və  Beynəlxalq Miqrasiya Təşkilatının birgə təşkilatçılığı ilə “Cinayət təqibini həyata keçirən orqanlar üçün insan alverinə qarşı mübarizə” mövzusunda  üç günlük kaskad təlim təşkil olunub.

Hakimlər, vəkillər, prokurorlar və Daxili İşlər Nazirliyinin əməkdaşlarının iştirak etdiyi təlimdə Sumqayıt Apellyasiya Məhkəməsinin və Gəncə Apellyasiya Məhkəməsinin hakimlərinin və Azərbaycan Respublikasının  Vəkillər Kollegiyasının üzvünün mühazirələri dinlənilib.

Avropa İttifaqı və Ədliyyə Akademiyasının birgə təşkilatçılığı ilə TAİEX proqramı çərçivəsində probasiya sahəsində təlimlərin təşkil edilməsi üçün Avropanın qabaqcıl təcrübəsinin öyrənilməsi məqsədilə 2018-ci ilin 5-7 dekabr tarixində Ədliyyə Akademiyasında Azərbaycan Respublikasının Ədliyyə Nazirliyinin Probasiya Xidmətinin icra məmurları ilə ekspert görüşü keçirilib.

4-6 dekabr tarixlərində Azərbaycan Respublikasının Ədliyyə Nazirliyinin Ədliyyə Akademiyası və  Beynəlxalq Miqrasiya Təşkilatının birgə təşkilatçılığı ilə Şəki şəhərində “Beynəlxalq miqrasiya hüququ” mövzusunda  təlim təşkil olunub.

Hakim və vəkillərin iştirak etdikləri təlimdə Beynəlxalq Miqrasiya Təşkilatının nümayəndəsi Humay Eminli açılış nitqi ilə çıxış edib.

Cari ilin 28-30 noyabr  tarixlərində Azərbaycan Respublikasının Ədliyyə Nazirliyinin Ədliyyə Akademiyası və  Beynəlxalq Miqrasiya Təşkilatının birgə təşkilatçılığı ilə Lənkəran rayonunda, “Palmalife” mehmanxanasında “Cinayət təqibini həyata keçirən orqanlar üçün insan alverinə qarşı mübarizə” mövzusunda  üç günlük kaskad təlim təşkil olunmuşdur. Təlimin açılışında Beynəlxalq Miqrasiya Təşkilatının nümayəndəsi Rübabə Məmmədova çıxış edib.

Ümumilikdə 16 nəfər hakim, vəkil və prokurorların iştirak etdiyi təlimdə Makedoniya Ədliyyə Akademiyasının rektoru Aneta Arnaudovskanın, Daxili İşlər Nazirliyi, İnsan Alveri ilə Mübarizə Baş İdarəsinin əməkdaşı, polis leytenantı Fuad Əliyevin, Sumqayıt Apellyasiya Məhkəməsinin hakimi Vidadi Cəfərovun, Lənkəran Ağır Cinayətlər Məhkəməsinin sədri Elxan Süleymanovun, Şəki Ağır Cinayətlər Məhkəməsinin sədri Natiq Əliyevin və Vəkillər Kollegiyasının üzvü Vüqar Hacıyevin mühazirələri dinlənilib.

Cari ilin 30 noyabr tarixində “Pullman Baku” mehmanxanasının konfrans zalında hakimlər üçün “Avropa İnsan Hüquqları Konvensiyasının 8-ci maddəsi (Şəxsi həyata və ailə həyatına hörmət hüququ)” mövzusunda təlim keçirilib.

21 hakimin iştirak etdiyi təlimdə Bakı Apellyasiya Məhkəməsinin hakimləri Elnur  Həsənov, Abiddin Hüseynov və  Azərbaycan Respublikası Vəkillər Kollegiyasının üzvü Sevinc Əliyevanın təqdimatları dinlənilib.