.jpg)
.JPG)
Xəbərlər
AZƏRBAYCAN NÜMAYƏNDƏ HEYƏTİ MOLDOVADA REGİONAL KONFRANSDA İŞTİRAK EDİB |
| 2016-10-25 |
Avropa Şurası və Avropa İttifaqı tərəfindən Şərq Tərəfdaşlığı ölkələrində həyata keçirilən “Proqramlar üzrə Əməkdaşlıq Çərçivəsi”nin nəzdində həyata keçirilən “Beş Şərq Tərəfdaşlığı ölkəsində qadınların ədliyyəyə çıxışının təkmilləşdirilməsı” adlı regional layihəsi ilə Ədliyyə Akademiyasının əməkdaşlıq imkanları geniş istifadə edilməkdədir. Layihə çərçivəsində qadın hüquqları ilə bağlı təlimlərin həyata keçirilməsi və həmin sahə üzrə tədris vasitələrinin hazırlanması və azərbaycan və ingilis dillərində nəşr edilməsi nəzərdə tutulur.
24-25 oktyabr 2016-cı il tarixlərində Moldovanın Kişinyov şəhərində Avropa Şurası tərəfindən Moldova Respublikası Milli Ədliyyə İnstitutunun əməkdaşlığı ilə birgə “Beş Şərq Tərəfdaşları ölkəsində qadınların ədliyyəyə çıxışının təkmilləşdirilməsi” layihəsi çərçivəsində “Qadınların ədliyyəyə çıxışının təkmilləşdirilməsi məqsədi ilə məhkəmə sisteminin potensialının gücləndirilməsi” mövzusunda regional konfrans keçirilmişdir. Tədbirdə Ədliyyə Nazirliyinin, Ədliyyə Akademiyasının, Vəkillər Kollegiyasının nümayəndələri və layihə üzrə milli ekspert iştirak etmişdirlər.
ŞƏMKİR RAYONUNDA BƏLƏDİYYƏLƏR ÜÇÜN TƏLİM KEÇİRİLMİŞDİR |
| 2016-10-21 |
Ədliyyə Nazirliyinin Ədliyyə Akademiyası tərəfindən Şəmkir regional ədliyyə şöbəsi ilə birgə Şəmkir rayonunda bələdiyyə üzvləri və qulluqçularının hüquqi maarifləndirilməsi məqsədilə 21 oktyabr 2016-cı il tarixdə tədris kursu təşkil edilmişdir.
28 nəfər bələdiyyə sədrləri, üzvləri və qulluqçularının iştirak etdiyi tədris kursunda Akademiyanın məsul əməkdaşları Qalib Məmmədov, Mətanət Əsgərova, Samir Nuriyev tərəfindən...
ƏDLİYYƏ AKADEMİYASINDA BEYNƏLXALQ QIZIL XAÇ KOMİTƏSİLƏ BİRGƏ TƏLİM KEÇİRİLMİŞDİR |
| 2016-10-07 |
Cari ilin 6-7 oktyabr tarixində Beynəlxalq Qızıl Xaç Komitəsi və Ədliyyə Nazirliyinin Penitensiar Xidməti ilə əldə olunmuş razılığa əsasən Ədliyyə Akademiyasında xidmətin orta rütbəli əməkdaşlarıüçün tədris kursu keçirilmişdir.
Kursun açlışında Beynəlxalq Qızıl Xaç Komitəsinin Azərbaycan Respublikasındakı Nümayəndəliyin başçısı Elena Aymone Sessera, Ədliyyə Akademiyasının rektor əvəzi Elçin Xələfov Beynəlxalq Qızıl Xaç Komitəsinin Müdafiə Proqramı üzrə koordinatoru Martin Kelemenis, Penitensiar xidmətin Təşkilat-nəzarət idarəsinin rəisi Musa Hümbətov çıxış etmişlər.
BOLQARISTANA TƏDRİS SƏFƏRİ |
| 2016-10-01 |
Avropa Şurası və Avropa İttifaqı tərəfindən Şərq Tərəfdaşlığı ölkələrində həyata keçirilən “Proqramlar üzrə Əməkdaşlıq Çərçivəsi”nin Azərbaycanda məhkəmələrin səmərəliliyinin artırılmasına, hakimlərin təliminin təkmilləşdirilməsinə və məhkəmələrdə özünüidarəetməyə dəstək” layihəsi çərçivəsində cari ilin 28 sentyabr - 01 oktyabr tarixlərində Bolqarıstanın Sofiya şəhərində Ədliyyə Nazirliyinin nümayəndələri ilə görüş və Milli Ədliyyə İnstitutuna Təlim Səfəri təşkil edilmişdir.
Tədbirdə Ədliyyə Akademiyasından Akademiyanın rektoru vəzifəsini icra edən Elçin Xələfov, Ədliyyə Nazirliyinin Təşkilat-nəzarət baş idarəsinin rəis müavini Əfqan Ələkbərov, Ədliyyə Akademiyasının Elmi-tədqiqat və məhkəmə presedenti şöbəsinin rəisi vəzifəsini icra edən Vüsal Əhmədovla birlikdə Ali Məhkəmənin hakimi, Məhkəmə-Hüquq Şurası yanında Hakimlərin və dövlət ittihamçılarının tədrisi sektorunun rəhbəri İlqar Xələfov, Baki Apellyasiya Məhkəməsinin hakimi Toğrul Əliyev, Avropa Şurasının eksperti Araz Paşayev, Avropa Şurasının Bakıdakı ofisində layihə assistenti Nərgiz Abdullayeva iştirak etmişlər.
ƏDLİYYƏ AKADEMİYASINDA HAKİMLƏR ÜÇÜN NÖVBƏTİ TƏDRİS KURSU KEÇİRİLMİŞDİR |
| 2016-09-30 |
Sentyabrın 30-da Ədliyyə Akademiyasında hakimlər üçün “Mülki işlər üzrə məhkəmə baxışının xüsusiyyətləri” mövzusunda növbəti ixtisasartırma kursu keçrilmişdirşdir.
23 hakimin iştirak etdiyi kursdaBakı Apellyasiya Məhkəməsinin hakimləri Elnur Həsənov, İlham Əsədovvə İkram Şirinovun mühazirələri dinlənilmişdir.