Ədliyyə Nazirliyinin Ədliyyə Akademiyası tərəfindən, Şirvan regional ədliyyə şöbəsi ilə birgə Şirvan şəhərində Şirvan, Sabirabad, Hacıqabul, Şamaxı ,Neftçala və Salyan rayonlarının  bələdiyyə üzvləri və qulluqçularının hüquqi maarifləndirilməsi məqsədilə 10.03.2017-ci il tarixində tədris kursu təşkil edilmişdir.

Cari ilin 7 mart tarixində Şirvan regional ədliyyə şöbəsində Avropa Şurası və Avropa İttifaqı tərəfindən Şərq Tərəfdaşlığı ölkələrində həyata keçirilən “Azərbaycanda məhkəmələrin səmərəliliyinin artırılmasına, hakimlərin təliminin təkmilləşdirilməsinə və məhkəmələrdə özünü-idarəetməyə dəstək” layihəsi çərçivəsində “Pulsuz hüquqi yardımın təşkili və müasir hüquqi maarifləndirmə alətlərinin tətbiqi” mövzusunda təlim keçirilmişdir.

Keçirilmiş təlimdə Avropa İttifaqının Azərbaycandakı Nümayəndəliyinin ədliyyə sahəsində texniki yardım layihəsinin nümayəndə heyətinin rəhbəri Pamela Fahey, Avropa Şurasının beynəlxalq eksperti Margus Sarapuu, Vəkillər Kollegiyasının üzvü Hafiz Həsənov, Ədliyyə Nazirliyinin Təşkilat-Nəzarət Baş İdarəsinin aparıcı məsləhətçisi Abdulla Abdullayev, Şirvan, Sumqayıt, Lənkəran regional ədliyyə şöbələrinin nümayəndələri və Ədliyyə Akademiyası baş məsləhətçisi Qalib Məmmədov iştirak etmişdir.

İcra məmurları üçün 01-03.03.2017-ci il tarixlərində Ədliyyə Akademiyasında ixtisasartırma kursu keçirilmişdir.

İxtisasartırma kursu tədris proqramına uyğun olaraq həyata keçirilmişdir. Tədris proqramına uyğun olaraq “İcra işinin təkmilləşdirilməsi və statistik hesabatların tərtibi”, “Əmlakın siyahıya alınması və ya üzərinə həbs qoyulması zamanı icra məmurları tərəfindən aparılan sənədləşmənin keyfiyyəti ilə CM-nin 303-cü maddəsi üzrə aparılan cinayət təqibi arasında qarşılıqlı əlaqə”, “Məhkəmələrin müəyyən olunmuş fəaliyyət qaydasının təmin edilməsi haqqında Təlimatın tələbləri”, “İcra sənədi üzrə işdə iştirak edən şəxslərə münasibətdə icra məmurunun hüquq və vəzifələri”, “Azərbaycan Respublikası icra qanunvericiliyində son illərdə edilmiş edilmiş dəyişikliklər və onların mahiyyəti”, “İcra məmurları tərəfindən yol verilən xarakterik nöqsanlar və onların aradan qaldırılması üzrə görülən tədbirlər”, “Probasiya (azadlıqdan məhrumetməyə alternativ sanksiyaların tətbiqi)”, “Avropa İnsan hüquqları Məhkəməsinin məhkəmə qərarlarının icrası məsələsinə Avropa Konvensiyası baxımından münasibəti” mövzularında mühazirələr tədris edilmişdir.

“AZƏRBAYCANDA MƏHKƏMƏLƏRİN SƏMƏRƏLİLİYİNİN ARTİRİLMASINA, HAKİMLƏRİN TƏLİMİNİN TƏKMİLLƏŞDİRİLMƏSİNƏ VƏ MƏHKƏMƏLƏRDƏ ÖZÜNÜ-İDARƏETMƏYƏ DƏSTƏK” LAYİHƏSİ ÇƏRÇİVƏSİNDƏ “MÜASİR STATİSTİK TƏHLİL ALƏTLƏRİNİN TƏTBİQİNƏ VƏ TƏQDİMAT BACARIQLARININ İNKİŞAF ETDİRİLMƏSİNƏ DAİR” TƏLİM KEÇİRİLMİŞDİR

Cari ilin 27 fevral – 1 mart tarixlərində AŞ/Aİ Şərq tərəfdaşlığı ölkələrində həyata keçirilən “Proqramlar üzrə Əməkdaşlıq Çərçivəsində” “Azərbaycanda məhkəmələrin səmərəliliyinin artırılmasına, hakimlərin təliminin təkmilləşdirilməsinə və məhkəmələrdə özünü-idarəetməyə dəstək” layihəsi ilə əlaqədar “Müasir statistik təhlil alətlərinin tətbiqinə və təqdimat bacarıqlarının inkişaf etdirilməsinə dair” təlim keçirilmişdir.

Keçirilmiş təlimdə Ədliyyə Nazirliyinin, Məhkəmə Hüquq Şurasının, Ədliyyə Akademiyasının, Baş Prokurorluğun Elm-Tədris Mərkəzinin, ASAN Xidmətin əməkdaşları iştirak etmişdir.

1 mart 2017-ci il  tarixdə Bakı şəhəri Yasamal Rayon Məhkəməsində məhkəmə aparatı işçiləri üçün “Məhkəmələrdə idarəetmənin səmərəliliyinin artırılması” mövzusunda  ixtisasartırma kursu keçirilmişdir. Eyni zamanda Gəncə Apellyasiya Məhkəməsinin yurisdiksiyasına aid məhkəmələrdə çalışan məhkəmə aparatı işçiləri Gəncə şəhəri Nizami Rayon Məhkəməsində həmin kursa video konfrans vasitəsilə distant formada cəlb olunmuşlar.

Tədbirin açılışında Ədliyyə Akademiyasının rektoru vəzifəsini icra edən Elçin Xələfov və Yasamal Rayon Məhkəməsinin sədri Ələddin Cəfərov Yasamal Rayon Məhkəməsindən və Gəncə şəhəri Nizami Rayon Məhkəməsinin sədri Əli Tağıyev Nizami Rayon Məhkəməsindən tədbirə qatılaraq dinləyiciləri salamlamış və video konfrans vasitəsilə dərslərin keçirilməsini mütərəqqi  hadisə kimi qiymətləndirmişlər.Bildirmişdir ki, Akademiya tərəfindən distant təhsilin bu formasından yeni istifadə edilməyə başlanılmış və dinləyicilərin marağına səbəb olmuşdur.Təhsilin bu formasından gələcəkdə də geniş istifadə edilməsi nəzərdə tutulur.