Cari ilin 15 noyabr tarixində məhkəmə aparatı işçiləri üçün Ədliyyə Akademiyasında “Dövlət qulluğu haqqında qanunun tətbiqinin bəzi məsələləri” mövzusunda ixtisasartırma kursu təşkil edilmişdir.

İxtisasartırma kursunda  Bakı şəhərinin rayon məhkəmələrindən 22 nəfər məhkəmə aparatı işçisi iştirak etmişdir

Oktyabrın 27-də Ədliyyə Akademiyasında 30 hakimin iştirakı ilə “Mülki qanunvericiliyin tətbiqinin aktual məsələləri” mövzusunda ixtisasartırma kursu keçirilmişdir.

26-27 oktyabr tarixlərində Ədliyyə Akademiyası və Avropa Şurası “Avropa İnsan Hüquqları Konvensiyası və Avropa İnsan Hüquqları Məhkəməsinin presedent hüququnun tətbiqi” adlı Layihə çərçivəsində təlimçilər üçün pedaqoji bacarıqlarının artırılması məqsədilə “Hyatt Regency” mehmanxanasında iki günlük seminar keçirilmişdir.

Seminarda iştirakçılara silsilə təlimlərin keçirilmə təcrübəsinə dair ümumi məlumat verilmiş, treninq metodologiyası sahəsində yeni bacarıqlar, auditoriyada dinləyicilərin ehtiyaclarının öyrənilməsinə barədə yeni biliklər nümayiş etdirilmişdir.

Penitensiar  xidmətin əməkdaşları üçün cari ilin  5, 12 və 23  oktyabr tarixlərində Ədliyyə Akademiyasında “Probasiya xidməti və cəza siyasətinin humanistləşdirilməsinin əsas vəzifələri” mövzusunda və  5-6, 12-13 və 19-20 oktyabr tarixlərində isə Qeydiyyat və Notariat baş idarəsində “İKT-nin müasir imkanları və ədliyyə orqanlarında tətbiqi məsələləri” mövzusunda təlimlər keçirilib.

Cari ilin 19-20 oktyabr tarixlərində 18 hakimin iştirakı ilə  “Winter Park Hotel” mehmanxanasında “Avropa İnsan Hüquqları Konvensiyasının 8-ci maddəsi (Şəxsi həyata və ailə həyatına hörmət hüququ)” mövzusunda təlim keçirilib.

Təlimdə Bakı Apellyasiya Məhkəməsinin hakimi Rafael Eyvazov, Bakı Dövlət Universitetinin müəllimi Zaur Əzimov və Azərbaycan Respublikası Vəkillər Kollegiyasının üzvü Şəfa Camalzadənin təqdimatları dinlənilib.